Մանկական հոգեբանները սարսափած են. ChatGPT-ին ավելի մոտ է մեր երեխաներին, քան կարելի է պատկերացնել. մանրամասները՝ ABNews.am կայքում
ՀՀ առաջատար կառուցապատողները հատուկ առաջարկներով են ներկայացել TOON EXPO MOSCOW 2025-ին. դիտեք ABNews.am կայքում
ԵԱՏՄ անդամ երկրների ՀՆԱ-ն մեկ տարվա ընթացքում աճել է գրեթե 4,5%-ով. Լուկաշենկո
Իսրայելի և Իրանի միջև հակամարտությունից կրած վնասը գնահատվում է 3 մլրդ ԱՄՆ դոլար. Bloomberg
Ինչպես հարստանալ՝ Ozon Հայաստան հարթակում մեղր վաճառելով. մանրամասները՝ ABNews.am կայքում
Գերմանիան 26 մլն եվրոյի վարկ և 2 մլն եվրոյի դրամաշնորհ կտրամադրի Հայաստանին
ՌԴ ԿԲ-ն առաջարկել է թվային ռուբլու ներդրումը 2025-ի հուլիսի 1-ի փոխարեն տեղափոխել 2026-ի սեպտեմբերի 1-ին
«Նաիրիտ»-ի ապամոնտաժման և տարածքի մաքրման համար տրամադրվել է $1.5 մլն դրամաշնորհ Համաշխարհային բանկից
Moody’s-ը հաստատել է Հայաստանի Ba3 վարկանիշը՝ «կայուն» հեռանկարով և 5% տնտեսական աճի կանխատեսմամբ
ԱրարատԲանկը 2024թ․-ին ՄՓՄՁ ոլորտի ֆինանսավորմանն ուղղել է ավելի քան 12 մլրդ ՀՀ դրամ. մանրամասները՝ ABNews.am կայքում
Երեք եղանակ, որոնցով գործատուները կարող են թիմերն ավելի արդյունավետ դարձնել. մանրամասները՝ ABNews.am կայքում
ԵԱՏՄ երկրների համախառն ՀՆԱ-ն աճել է՝ 1.6 տրիլիոնից հասնելով 2.6 տրիլիոն դոլարի. Վլադիմիր Պուտին
Մեկ օրում բացահայտվել է հանցագործության 99 դեպք. գրանցվել է 12 ավտովթար, վիրավորվել է 18 մարդ
Ռուսաստանի վարկային քարտերի ընդհանուր պարտքը հասել է 575.9 միլիարդ ռուբլու. Forbes
Հայաստանում առաջին անգամ անցկացվել է շրջանաձև տնտեսության միջազգային ֆորում. դիտեք ABNews.am կայքում
Կառավարությունը լուծարեց Սյունիքի մարզի Լիճքի միջնակարգ դպրոցը. գյուղում 0-ից 6 տարեկան երեխա չկա
21 անհայտ կորած զինծառայողների ընտանիքները ևս 2 ամիս կստանան 300,000-ական դրամի աջակցությունը
Հունիսին ծիրանով բեռնված 626 մեքենա է անցել ՌԴ, իսկ կոնյակով բեռնված՝ 7 մեքենա մեկ օրում. Գևորգ Պապոյան
Հօգուտ ՀՀ-ի կփոխանցվի շուրջ 227 հազար դոլարին համարժեք 87 միլիոն 622 հազար դրամ. դատախազություն
IDBank-ի ներկայացուցիչը միացել է Trade Finance Global-ի խմբագրական խորհրդին. մանրամասները՝ ABNews.am կայքում

Հայկական Picsart-ը ներառվել է Forbes-ի «14 խելահեղ AI գործիքների» ցանկում

Մրտ 28, 2023 12:29
88

Հեղինակավոր Forbes ամսագիրը ներկայացրել է արհեստական բանականությամբ աշխատող 14 հիանալի գործիք, որոնց շարքում ներառել է նաև հայկական Picsart-ը։

Synthesia

Synthesia-ն թույլ է տալիս ստեղծել տեսանյութեր, կորպորատիվ բովանդակություն ԱԲ ավատարների միջոցով։ Այն կարող է զգալիորեն կրճատել նկարահանումների և խմբագրման վրա ծախսվող ժամանակը: Եթե անհրաժեշտ է փոփոխություններ կատարել, ապա խմբագրվում է սցենարը, ինչից հետո ԱԲ-ն անում է համապատասխան փոփոխությունները տեսանյութում: Այն նաև ունի 120 լեզվով ավտոմատ թարգմանության հնարավորություն։

Cleanvoice

Այս գործիքն օգնում է մաքուր, պրոֆեսիոնալ հնչեղությամբ ձայնագրություններ է ստեղծել։ Այն ավտոմատացնում է աուդիոֆայլերի մաքրումը՝ հեռացնելով ֆոնային աղմուկը, ընդհատումները, «ըըը»–երը, ինչպես այն հատվածները, որտեղ ձայնագրությունն ընթացել է, սակայն խոսք չի հնչել:

Jasper

Jasper-ը քոփիռայթինգի գործիք է, որն աշխատում է ChatGPT-ի նման» Իրականում այն հիմնված է նույն GPT-3 լեզվի մոդելի վրա և ավելի շատ նախատեսված է գովազդային և մարկետինգային բովանդակություն ստեղծելու համար։

Pictory

Այս գործիքը երկար տեսանյութերից կարողանում է գտնել ամենաարժեքավոր և գրավիչ պահերը և դրանք ավտոմատ համակցել համապատասխան ձայնի, ֆոնդային կադրերի և երաժշտության հետ՝ չպահանջելով տեսանյութերի խմբագրման որևէ տեխնիկական փորձ։

Canva

Սա շատ հայտնի, ամպային ծառայության վրա հիմնված գործիք է։ Canva-ի բաժանորդներն այժմ հասանելիություն ունեն Magic Write-ին, որն ԱԲ-ի վրա հիմնված քոփիռայթինգի գործիք է: Պարզ հուշումից այն կարող է ստեղծել սոցիալական ցանցերի համար գրառումներ, բլոգային գրառումներ, ցուցակներ, բովանդակության առաջարկներ և այլն:

Upscaler

Stockphotos.com լուսանկարների բանկի կողմից տրամադրվող անվճար գործիք է, որն ավտոմատ կերպով մեծացնում և բարելավում է պատկերները, ինչը նշանակում է, որ ցածր լուծաչափով լուսանկարները կարող են խոշորացվել առանց դետալների կորստի: FacePro ֆունկցիան հատկապես հարմար է դիմանկարների համար: Վճարովի տարբերակները թույլ են տալիս ավելի շատ դետալներ վերստեղծել:

Taplio

Taplio-ն գործիք է՝ հատուկ նախատեսված LinkedIn-ի հետ աշխատելու համար։ Այն օգնում է ստեղծել, պլանավորել և հրապարակել բովանդակություն, հարաբերություններ հաստատել ձեր ցանցի և նոր կոնտակտների հետ և մշտադիտարկել ձեր գրառումներից ստացվող տպավորությունները: ԱԲ-ն օգնում է՝ նաև ոգեշնչելով գրառումներ և պատմություններ անելու հարցում։

Picsart

Հայկական Picsart-ը տեքստից պատկեր ստանալու հարթակ է՝ պատկերների խմբագրման գործիքների համապարփակ հավաքածուով, որը թույլ է տալիս բառերը վերածել արվեստի, այնուհետև անել ճշգրտող փոփոխություններ անհրաժեշտ պատկերներն ստանալու համար:

Talk To Books

Սա ChatGPT ոճի փորձնական երկխոսության ինտերֆեյս է, որը միացված է Google Books գրադարանին և կարող է վեր հանել փաստեր, մեջբերումներ և հատվածներ գրականությունից: Դուք կարող եք ֆիլտրել գրքերի կատեգորիաները, որպեսզի, օրինակ, պատմության վերաբերյալ հարց տալու դեպքում ստանաք պատասխան միայն պատմական գեղարվեստական կամ ոչ գեղարվեստական գրականությունից։

KeywordInsights

Այս գործիքը ԱԲ-ի օգնությամբ կատարում է բանալի բառերի վերլուծություն, որն անհրաժեշտ է, որպեսզի համոզվեք, որ որոնման համակարգի օպտիմալացմանն (SEO) ուղղված ձեր արշավները ճիշտ ընթացք ունենան։ Այն ավտոմատ կերպով միավորում է բանալի բառերը և որոշում որոնման նպատակը, որպեսզի կարողանաք տեսնել, թե եզրույթներից որոնք են արժեքավոր, իսկ որոնք՝ ոչ։

Sprinklr

Այս գործիքն ուսումնասիրում է համացանցում առկա ողջ ինֆորմացիան և հնարավորություն է տալիս տեղեկանալ, թե ինչ են խոսում ձեր հաճախորդները ձեր ապրանքանիշի մասին: Սա թույլ կտա հետևություններ անել դրանից և նոր շուկաներ դուրս գալ։

Lisa AI Art – Magic Avatar

Սա Android հավելված է, որն օգտատերերին հնարավորություն է տալիս օգտվել ԱԲ էֆեկտներից սոցցանցի պրոֆիլի նկարների և ավատարների տեսքը բարելավելու համար, ինչը կարող է օգնել ավելի շատ ուշադրություն գրավել և ավելի մեծ ներգրավվածություն ապահովել։

Perplexity.ai

Perplexity.ai-ը GPT-3-ի հիման վրա չատբոտի ինտերֆեյս է, որը սակայն կենտրոնացած է բարդ հարցերին ճշգրիտ պատասխաններ տալու վրա: Ի տարբերություն ChatGPT-ի, այն բացահայտում է իր օգտագործած տեղեկության աղբյուրը՝ այն ավելի օգտակար դարձնելով բազմաթիվ հետազոտությունների համար:

Beatoven

Կատարյալ տեսանյութին կամ փոդքաստին անհրաժեշտ է կատարյալ սաունդթրեք․ Beatoven-ը հեշտացնում է անհատականացված, հեղինակային իրավունք չպարունակող սաունդթրեքեր ստեղծելը, որը կհամապատասխանի ցանկացած տրամադրության, նաև կինտեգրվի ձեր ստեղծած բովանդակությանը։

Աղբյուրը՝ News.am Tech