Հնդկաստանում պաշտոնապես բացվել է ադամանդի աշխարհի ամենամեծ բորսան, որի բացման արարողությանը ներկա էր Հնդկաստանի վարչապետ Նարենդրա Մոդին: Այս մասին հայտնում են վարչապետի աշխատակազմից։
Գուջարաթ նահանգի արևմտյան Սուրաթ քաղաքը համարվում է երկրի ադամանդի մշակման կենտրոնը։ Հենց այստեղ էլ բացվել է ադամանդի աշխարհի ամենամեծ բորսան: Շենքն օգոստոսին ընդգրկվել է Գինեսի ռեկորդների գրքում՝ որպես աշխարհի ամենամեծ գրասենյակային շենք՝ գերազանցելով ամերիկյան Պենտագոնին։ Աշխարհի խոշորագույն ադամանդի բորսայի կարգավիճակը նախկինում ուներ Մումբայի բորսան:
Հնդկաստանի վարչապետի խոսքով՝ Սուրաթի բորսայի գործարկումը կստեղծի շուրջ 150 հազար աշխատատեղ: Նա հորդորել է Սուրաթի գործարարներին ավելացնել ոսկու առևտուրը, ինչը կարող է նպաստել Հնդկաստանի տնտեսության աճին։ Մոդին նկատել է՝ թեև Հնդկաստանը առաջատար դիրք ունի ադամանդի առևտրում, նրա մասնաբաժինը ոսկերչական համաշխարհային առևտրում կազմում է 3.5%, սակայն երկիրն ունի այն «երկնիշի» հասցնելու ներուժը։
JavaScript seems to be disabled in your browser. You must have JavaScript enabled in your browser to utilize the functionality of this website.
