Ալկոհոլային արտադրանքի` ԵԱՏՄ կանոնակարգն ուժի մեջ կմտնի նախատեսվածից 6 ամիս ուշ․ ԵՏՀ Ալկոհոլային արտադրանքի համար ԵԱՏՄ տեխնիկական կանոնակարգի ուժի մեջ մտնելու գործընթացը հետաձգվել է։ Այս մասին այսօր նիստից հետո հրավիրված ճեպազրույցի ժամանակ հայտնել է ԵՏՀ պաշտոնական ներկայացուցիչ Իյա Մալկինան։ «ԵՏՀ խորհուրդը ռուսական կողմի առաջարկով որոշել է փոփոխություններ և ճշտումներ կատարելու նպատակով «Ալկոհոլային արտադրանքի անվտանգության մասին» միության տեխնիկական կանոնակարգի ուժի մեջ մտնելու ժամկետը 2024 թվականի հունվարի 1-ից տեղափոխել 2024 թվականի հուլիսի 1-ը», - ասել է ԵՏՀ ներկայացուցիչը։ Մալկինան նշել է, որ այդ ընթացքում, մասնավորապես, նախատեսվում է կարգավորել գարեջրագործական և գինեգործական արտադրանքի պահանջների հետ կապված հարցերը։ ԵՏՀ խորհրդաի ընդունած որոշումը թույլ կտա, որ ալկոհոլային շուկայի մասնակիցները մոլորության մեջ չգցեն սպառողներին, ինչպես նաև վերացնեն քաղաքացիների առողջությանը և կյանքին սպառնացող հնարավոր վտանգների ռիսկերը։ Աղբյուրը՝   armeniasputnik.am