BRICS-ի (Բրազիլիա, Ռուսաստան, Հնդկաստան, Չինաստան, Հարավային Աֆրիկա) արժույթներով միասնական վճարային համակարգի ստեղծման հարցը կլինի ասոցիացիայի առաջիկա գագաթնաժողովի օրակարգում, որը տեղի կունենա Ռուսաստանում։ Այս մասին հայտարարել է Հարավաֆրիկյան Հանրապետության նախագահ Սիրիլ Ռամապոսան։
«BRICS խումբը մտադիր է ավելի ընդլայնել անդամ երկրների ազգային արժույթների օգտագործումը միջազգային առևտրում: Ֆինանսների նախարարներն ու Կենտրոնական բանկի ղեկավարներն այժմ աշխատում են BRICS արժույթների համար միասնական հարթակի և վճարային համակարգի ստեղծման վրա: Հարցը կներկայացնի ասոցիացիայի առաջիկա գագաթնաժողովը»,- ասել է ՀԱՀ նախագահը:
Նա նշել է, որ նորաստեղծ BRICS զարգացման բանկը ընդլայնում է ասոցիացիայի երկրների ազգային արժույթներով պարտատոմսերի թողարկումը։
Նրա խոսքով՝ BRICS-ի ղեկավարները համաձայնել են խթանել միջազգային տնտեսական կառույցների, այդ թվում՝ Առևտրի համաշխարհային կազմակերպության արմատական բարեփոխումները։
«Մենք ձգտում ենք ստեղծել ավելի արդար, հաշվետու և արդյունավետ համակարգ գլոբալ տնտեսությունը կառավարելու համար», – ընդգծել է Ռամապոսան:
Աղբյուրը՝ b24.am
