Ապրիլի 3-ի բիզնես լուրերը

Ինչ է կատարվել Հայաստանի և միջազգային տնտեսական աշխարհում։

ՏԵՂԱԿԱՆ ԼՈՒՐԵՐ

Ավելի քան 4 մլրդ դրամի հատկացում՝ մարզային կրթական հաստատություններին Կառավարության որոշմամբ 4 մլրդ 52 մլն դրամ կուղղվի 37 մանկապարտեզի հիմնանորոգմանը և 5 դպրոցում նախակրթարանների հիմնմանը։ Միջոցները կծառայեն նաև շենքերի տեխնիկական զննության և նախագծային փաստաթղթերի մշակմանը։

2026-ի առաջին եռամսյակում հարկային եկամուտներն աճել են 13․6 %-ով Հունվար-մարտ ամիսներին պետական բյուջե է մուտքագրվել 643.4 մլրդ դրամ հարկային եկամուտ և տուրք։ Ըստ ՊԵԿ-ի՝ նախորդ տարվա նույն ժամանակահատվածի համեմատ ցուցանիշն աճել է 76․9 մլրդ դրամով։

273 հեկտար տարածքում կիրականացվեն անտառավերականգնման աշխատանքներ Շրջակա միջավայրի նախարարությունը, «Հայանտառ» ՊՈԱԿ-ը և «ԶՊՄԿ» ՓԲԸ-ն ստորագրել են հուշագիր, որով նախատեսվում է կոմբինատի ֆինանսավորմամբ իրականացնել անտառապատման լայնածավալ ծրագիր և փորձագիտական տվյալների փոխանակում։

Երևանում հանքեր շահագործողների համար սահմանվել են նոր պարտադիր պահանջներ Նոր կարգավորումներով հանքատերերը պարտավոր են բարեկարգել հարակից ճանապարհները, ապահովել մեքենաների անիվների լվացումը և տեղադրել փոշու նվազեցման ջրցան սարքեր ու օդի որակի առցանց մոնիթորինգի համակարգեր։

Հայաստանում միջին ամսական անվանական աշխատավարձը կազմել է 296,419 դրամ 2026թ. հունվար-փետրվար ամիսների տվյալներով՝ պետական ոլորտում աշխատավարձն աճել է 5.4%-ով (227,711 դրամ), իսկ ոչ պետական հատվածում՝ 5.1%-ով (323,244 դրամ)։

ՄԻՋԱԶԳԱՅԻՆ ԼՈՒՐԵՐ

Իրանի պատերազմի պատճառով ԵՄ-ում վառելիքի ծախսերն աճել են 16 մլրդ դոլարով Հակամարտության հետևանքով Եվրոպայում գազի գինը բարձրացել է 70%-ով, իսկ նավթինը՝ 60%-ով։ Եվրամիությունն այժմ մշակում է աջակցության փաթեթ՝ բնակչությանը և բիզնեսին թանկացումներից պաշտպանելու համար։

Ֆրանսիայում վառելիքի դեֆիցիտ է առաջացել․ Bloomberg Շուրջ 900 լցակայաններում սպառվել է վառելիքի գոնե մեկ տեսակ։ Մերձավոր Արևելքի իրադարձություններով պայմանավորված թանկացումները խուճապ են առաջացրել վարորդների շրջանում, ինչն էլ հանգեցրել է պաշարների կտրուկ նվազման։

ԱՄՆ-ում ավտոմեքենաների վաճառքը նվազել է 5.3%-ով Առաջին եռամսյակում իրացվել է մոտ 3.71 մլն միավոր մեքենա։ Չնայած ընդհանուր անկմանը՝ վերլուծաբանները կանխատեսում են, որ Tesla-ն կարող է գրանցել վաճառքի 8.6% աճ՝ հասնելով 365.65 հազար միավորի։

ՄԱԿ-ը պարենի գների աճը կապում է մերձավորարևելյան հակամարտության հետ Մարտին պարենի գների համաշխարհային ինդեքսն աճել է 2.4%-ով։ Ըստ ՊԳԿ-ի՝ սա էներգակիրների թանկացման և պարարտանյութերի մատակարարման խափանումների հետևանք է, թեև հացահատիկի շուկան դեռևս կայուն է։