ԱՄՆ-ը շարունակում է ուղիներ փնտրել դեպի Եվրոպա LNG մատակարարումները ավելացնելու համար, որպեսզի կրճատի Ռուսաստանից բնական գազի մատակարարումները, այս ուղղությամբ «հավելյալ աշխատանք» է պետք կատարել։ Նման հայտարարությամբ է հանդես եկել Սպիտակ տան պաշտոնական ներկայացուցիչ Կարինե Ժան Պիերը,- նրան մեջբերում է ՌԻԱ Նովոստին։Ժան Պիերը նշել է, որ ԱՄՆ-ը ձգտում է նվազեցնել տարածաշրջանի կախվածությունը ռուսական գազի ներկրումից։ Նրա խոսքով ՝ Վաշինգտոնն արդեն առաջընթաց է գրանցել այս հարցում։
«Մարտից ի վեր բնական գազի մատակարարումները Եվրոպա 2021 թվականի համեմատ աճել են 84 տոկոսով։ Միաժամանակ եռապատկվել է ամերիկյան մատակարարումների բաժինը։ Փաստորեն, մարտից Եվրոպա գազի մատակարարումները նախորդ տարվա համեմատ ավելացել են 20 միլիարդ խորանարդ մետրով ՝ արդեն գերազանցելով նախագահ Բայդենի խոստացած ծավալները»,- ասել է նա ճեպազրույցում։ Միաժամանակ, Սպիտակ տան ներկայացուցիչը չի համաձայնել մի շարք փորձագետների այն կանխատեսման հետ, որ մոտեցող ձմեռը և եվրոպական պահեստարաններում գազի պակասը կարող է հանգեցնել արևմտյան երկրների միասնության պառակտմանը։
«Մենք վստահ ենք, որ այս միությունը, այս գործընկերությունը կշարունակի գոյություն ունենալ: Մենք նաև մտադիր ենք Ուկրաինայում մեր գործընկերներին տրամադրել անհրաժեշտ միջոցներ ՝ շարունակելու պայքարն իր ինքնիշխանության համար»,- վստահեցրեց նա։
Ավելի վաղ հաղորդվել էր, որ գազի գինը եվրոպական TTF հանգույցում մոտեցել է հազար խորանարդ մետրի դիմաց 3500 դոլարին։ Բացի այդ, հայտնի է դարձել, որ Նորվեգիան հրաժարվել է նվազեցնել գազի գինը Եվրոպայի համար։ Թագավորության նավթի եւ էներգետիկայի նախարար Տերժ Օսլանդը դա բացատրել է նրանով, որ Նորվեգիայի մայրցամաքային շելֆում գործող նավթային ընկերությունները գործում են առեւտրային հիմունքներով։
