Ճապոնիայի կառավարությունը որոշել է 368,6 մլրդ իեն (մոտ 2,7 մլրդ դոլար) հատկացնել, որը կուղարկվի կիսահաղորդիչների արտադրության ձեռնարկություններին սուբսիդավորման տեսքով։ Այս մասին հայտնում է Nikkei թերթը։ Հրապարակման մեջ նշվում է, որ սուբսիդիաները կարող են ծածկել ընկերությունների ներդրումների մոտ մեկ երրորդը։ Միաժամանակ ձեռնարկությունը կարող է միջոցներ ստանալ, եթե երաշխավորված լինի աշխատել առաջիկա 10 տարիներին։ Բացի այդ, անհրաժեշտության դեպքում ընկերությունները պետք է ճապոնական շուկա մատակարարեն կիսահաղորդիչներ, եթե դրանց պակաս լինի։Հոկտեմբերի վերջին Ճապոնիայի վարչապետ Ֆումիո Կիսիդան ներկայացրել է 266 մլրդ դոլարի տնտեսական աջակցության նոր ծրագիրը, որի չափը 39 տրլն իեն կտրամադրվի պետբյուջեից, իսկ ամբողջ գումարը, մասնավոր հատվածի հաշվին, կկազմի 71 տրիլիոն իեն։
Մինչ այս, Ճապոնիայի ֆինանսների նախարարությունը հայտնել էր, որ 2022 ֆինանսական տարվա առաջին կիսամյակի արդյունքներով, որը սկսվել է ապրիլի 1-ին, Ճապոնիայում առևտրի դեֆիցիտը հասել է ռեկորդային ` 11 տրլն իենի կամ մոտ 73,37 մլրդ դոլարի։
