ԵՄ առաջնորդները մտադիր են ճնշում գործադրել Ռուսաստանի վրա՝ պատժամիջոցներ սահմանելով երկրի ոսկու դեմ։ Այս մասին հայտնում է Reuters-ը ՝ վկայակոչելով իրազեկ աղբյուրի տրամադրած տեղեկատվությունը։
Դեռ պարզ չէ ՝ միջոցները կազդեն ռուսական ոսկու ՝ ԵՄ երկրներ ներկրման, թե թանկարժեք մետաղի Ռուսաստան մատակարարման վրա։
Ոսկու պաշարների սահմանափակումները կլինեն հակառուսական սահմանափակող միջոցների նոր փաթեթի մաս։ Փաստաթղթի վրա աշխատանքները կսկսվեն այս շաբաթ ՝ ԵՄ երկրների ղեկավարների գագաթնաժողովի շրջանակներում, որը կանցկացվի հունիսի 23-24-ը Մադրիդում։ Գործակալությունը հավելել է, որ գագաթնաժողովին մասնակցող երկրների թվում կան այնպիսիք, ովքեր պնդում են Մոսկվայի դեմ նոր պատժամիջոցների կիրառումը, և նրանք, ովքեր կոչ են անում կենտրոնանալ նախապես հայտարարված միջոցառումների իրականացման վրա։
Ավելի վաղ ՝ հունիսի 21-ին, РБК-ն, հղում անելով «Ռուսաստանի Դաշնությունում զորահավաքային պատրաստության և զորահավաքի մասին» օրենքում փոփոխությունների նախագծին, գրել էր, որ Ֆինանսների նախարարությունն առաջարկել է որոշել թանկարժեք մետաղների, քարերի և դրանց արտադրանքի պաշարները, որոնք կարող են օգտագործվել զորահավաքային նախապատրաստության մեջ:
