Ծրագրային ապահովման մշակող և ՏՏ հսկա Microsoft-ը պատրաստվում է աշխատանքից ազատել տարբեր գերատեսչությունների հազար աշխատակցի,- հայտնում է Axios պորտալը ՝ հղում անելով ընկերության աղբյուրներին։
Տեղեկությունը հաստատել է Business Insider-ը, որն ընկերության աշխատակիցների պլանավորված կրճատումն անվանել է «նրանցից ազատվելու հանգիստ փորձ»։
Մասնավորապես, կրճատումների տակ են ընկնելու Xbox և Edge ստորաբաժանումների աշխատակիցները։ Ավելի ուշ Microsoft-ը հաստատել է այս տեղեկությունը։
«Ինչպես բոլոր ընկերությունները, մենք պարբերաբար գնահատում ենք մեր բիզնեսի առաջնահերթությունները և համապատասխանաբար կատարում կառուցվածքային ճշգրտումներ: Հաջորդ տարի մենք կշարունակենք ներդրումներ կատարել մեր բիզնեսում և աշխատանքի ընդունելու հիմնական աճի ոլորտներում»,- ասվում է MarketWatch-ին ուղարկված էլ. նամակում։
Ավելի վաղ The Wall Street Journal-ը, վկայակոչելով տնտեսագետների հարցումը, զգուշացրել էր, որ ԱՄՆ-ը կարող է ռեցեսիայի մեջ մտնել առաջիկա 12 ամիսների ընթացքում։
