5,8 միլիարդ դոլար արժողությամբ առաջարկը մերժելուց ընդամենը մի քանի ամիս անց Macy’s-ը ստացել է նոր առաջարկ, որն ավել է նախորդից գրեթե մեկ միլիարդ դոլարով: Arkhouse Management-ը և Brigade Capital-ը բարձրացրել են բաժնետոմսերի ձեռքբերման իրենց նախնական առաջարկը 14%-ով՝ հասցնելով մինչև 6,6 միլիարդի:
2015 թվականից սկսած՝ Macy’s-ը ունեցել է ավելի քան 70%-ով բաժնետոմսերի անկում, երբ մեկ բաժնետոմսի արժեքը 73 ԱՄՆ դոլար էր կազմում: Այդ ժամանակից ի վեր ընկերությունը ստիպված է եղել փակել մոտավորապես 300 խանութ:
Ընկերությունն այժմ կառավարում է Macy’s-ի շուրջ 500, ինչպես նաև Blue Mercury-ի 150 և Bloomingdales-ի 55 խանութներ:
Macy’s-ի մեկ բաժենտոմսի արժեքը մարտի 11-ի դրությամբ կազմել է 20.5 ԱՄՆ դոլար:
Xiaomi Corp.-ի բաժնետոմսերը գրանցել են 9.9% աճ այն բանից հետո, երբ ընկերությունը հայտարարեց, որ այս ամիս կսկսի վաճառել իր երկար սպասված էլեկտրական մեքենաները:
Պեկինում տեղակայված ընկերությունը, որն առավել հայտնի է իր սմարթֆոններով, միլիարդների հասնող ներդրում է կատարել Չինաստանի էլեկտրատեխնիկայի շուկայի մաս կազմելու համար, որը ներկայումս գլխավորում են Tesla Inc.-ը և BYD Co-ն:
Xiaomi-ի մուտքը դեպի ավտոմեքենաների արտադրություն գլխավորում է միլիարդատեր, ընկերության համահիմնադիր Լեյ Ջունը:
Xiaomi-ի հիմնական բիզնեսը բարձրորակ, ցածր գնով հեռախոսների առցանց վաճառքն է, սակայն Լեյն ասել է, որ ընկերության EV-ն բյուջետային առաջարկ չի լինելու:
Կակաո արտադրող աֆրիկյան խոշոր գործարանները դադարեցրել կամ կրճատել են վերամշակումը, քանի որ չեն կարողանում կակաոյի հատիկներ գնել բարձր գների պատճառով. որպես հետևանք, ամենայն հավանականությամբ, շոկոլադի գներն ամբողջ աշխարհում կբարձրանան:
Աֆրիկյան գործարանները, որոնք ապահովում են կակաոյի վերամշակման մեծ մասը, աշխատում են՝ օգտագործելով իրենց հզորությունների ընդամենը 20%-ը:
Շոկոլադ արտադրողներն արդեն իսկ բարձրացրել են գները սպառողների համար՝ երեք տարի շարունակվող վատ բերքահավաքի հետևանքով:
Վերջին մեկ տարվա ընթացքում կակաոյի գներն ավելի քան կրկնապատկվել են՝ հասնելով բոլոր ժամանակների ամենաբարձր ցուցանիշին:
+374 11 888 118
Մենք օգնում ենք կառավարել ձեր խնայողությունները՝ ներդնելով միջազգային շուկաներում: Նպատակն է ապահովել բարձր եկամտաբերություն և ստեղծել անվտանգության բարձիկ:
Կազմակերպությունը վերահսկվում է ՀՀ Կենտրոնական Բանկի կողմից
