Համաշխարհային ինդեքսներ
Ամերիկյան ցուցիչները երկուշաբթի օրը փակվել են տարբեր ուղղություններով. Dow Jones Industrial Average-ը աճել է 0,16%-ով՝ հասնելով 41,240.52 կետի։ S&P 500-ը նվազել է 0,36%-ով՝ հասնելով 5,614.42 կետի։ S&P 500-ի ֆյուչերսները երեքշաբթի կորցրել են 0,01%։ Ճապոնական Nikkei 225-ը ավելացել է 0,96%-ով՝ հասնելով 38,305 կետի։ Կորեական KOSPI-ն նվազել է 0,31%-ով՝ հասնելով 2,689.60 կետի, իսկ չինական Shanghai Composite-ը կորցրել է 0,24%՝ հասնելով 2,848.64 կետի։
Մակրոէկոնոմիկա
1. Չինաստանի ազգային բանկը երկուշաբթի օրը ֆինանսական համակարգին 300 մլրդ յուան (42.1 մլրդ դոլար) է տրամադրել միջնաժամկետ վարկավորման ծրագրի (MLF) շրջանակում։ Վարկերի տոկոսադրույքը մնացել է 2.3% տարեկան։
2. ԱՄՆ-ում երկարաժամկետ ապրանքների պատվերները հուլիսին ավելացել են 9.9%՝ կանխատեսված 4%-ի փոխարեն։
3. S&P-ը Հայաստանի վարկանիշը պահել է «BB-/B» մակարդակում՝ կանխատեսելով «կայուն»։
Ապրանքային շուկաներ
Երկուշաբթի օրը ոսկու գինը աճել է և այժմ գտնվում է $2,514.8 մակարդակում մեկ ունցիայի համար։ Նավթի գները նույնպես աճել են. Brent նավթը արժե $81.3 մեկ բարելի համար, իսկ WTI-ն՝ մոտ $77.2։
Կորպորատիվ իրադարձություններ/ միջոցառումներ
1. Չինական Sinopec նավթագազային ընկերության զուտ շահույթը 2024 թվականի առաջին կեսին աճել է 2.6%-ով՝ կազմելով 37.1 մլրդ յուան ($5.2 մլրդ): Ընդհանուր եկամուտը նվազել է 1.1%-ով՝ հասնելով 1.6 տրլն յուանի։ Նավթի և գազի արդյունահանումը ավելացել է 3.1%-ով՝ հասնելով 257.7 մլն բարելի նավթային էկվիվալենտի։
2. Uber Technologies Inc.-ը Նիդեռլանդների վերահսկողության մարմնի կողմից ստացել է 290 մլն եվրո ($324 մլն) տուգանք՝ տվյալների պաշտպանության եվրոպական ստանդարտների խախտման համար։ Այս տուգանքը ամենամեծն է, որ երբևէ գանձվել է Նիդեռլանդների կարգավորող մարմնի կողմից և ամենամեծն է Uber-ի համար գլոբալ մակարդակում։
