Ինչու՞ են հաջողակ բիզնեսմենները շաբաթը մեկ իրենց տալիս այս 5 հարցը

Ձեր բիզնեսի հաջողությունը կախված է ոչ միայն ռազմավարություններից ու ներդրումներից, այլև ամեն շաբաթ կատարվող փոքր վերլուծություններից։ Շաբաթվա վերջում քեզ ուղղված 5 պարզ, բայց հզոր հարց կարող են օգնել վերահսկել ընթացքը, հասկանալ սխալները և գտնել աճի հնարավորությունները։ Ահա այդ հարցերը։

1. Ի՞նչ եմ այս շաբաթ իրականացրել, ինչը մոտեցնում է ինձ իմ նպատակներին։

Այս հարցը օգնում է տեսնել՝ արդյոք իրական գործողությունները համընկնում են բիզնեսի երկարաժամկետ կամ կարճաժամկետ նպատակների հետ։ Օգնում է նաև գնահատել՝ որքան արդյունավետ ես եղել շաբաթվա ընթացքում։ Կարող ես մասնավորապես կենտրոնանալ հետևյալ ուղղություններով՝

• Նոր հաճախորդներ գրավելուն միտված քայլեր

• Ապրանքի/ծառայության որակի բարելավում

• Մարքեթինգային առաջընթաց

• Կոմանդայի աշխատանքային բարելավում

2. Ո՞րն էր ամենամեծ խոչընդոտը, և ինչպես եմ արձագանքել դրան։

Յուրաքանչյուր բիզնես շաբաթ բերում է իր մարտահրավերները։ Այս հարցը նպաստում է խնդրի արմատը գտնելուն, ոչ միայն արդյունքին արձագանքելուն։ Նկատե՞լ ես, որ կրկնվող խոչընդոտներ կան։ Հնարավոր է՝ դրանք համակարգային խնդիրների նշաններ են։

3. Ի՞նչ դաս եմ քաղել այս շաբաթվա փորձից։

Ցանկացած հաջողություն կամ ձախողում՝ փոքր կամ մեծ, ուսուցանելու հնարավորություն է։ Շաբաթվա վերջում ժամանակ հատկացրու մտածելու՝

• Ի՞նչը չաշխատեց

• Ի՞նչը հաջողվեց և ինչու

• Ինչը կարելի է անել այլ կերպ հաջորդ շաբաթ

4. Ի՞նչ թիվ կամ ցուցանիշ եմ ամենից շատ հետևել այս շաբաթ, և ինչ է այն ցույց տալիս։

Թվերը չեն ստում։ Քո ամենակարևոր բիզնես մետրիկան կարող է լինել՝ եկամուտ, հաճախորդների թիվ, գովազդի արդյունք, պահեստի մնացորդ և այլն։ Կենտրոնացիր մեկ կամ երկու ցուցանիշի վրա՝ հասկանալու, թե արդյոք շարժվում ես առաջ։

5. Ի՞նչ կփոխեմ հաջորդ շաբաթ՝ ավելի լավ արդյունքի հասնելու համար։

Վերլուծությունից հետո ամենակարևոր քայլը պլանավորումն է։ Որպես օրինակ՝

• Գուցե հասկանաս, որ հարկավոր է փոխել գովազդային հարթակը

• Կամ անհրաժեշտ է ավելի շատ հաճախորդների հետ անձնական կապ հաստատել

• Կամ էլ ուղղակի անհրաժեշտ է մեկ օր հատկացնել հանգստի՝ այրման վտանգից խուսափելու համար

Այս 5 հարցը կիրակնօրյա մտածողությունը կդարձնեն ռազմավարական զենք։ Երբ շաբաթ առ շաբաթ իմանաս՝ ինչ ես արել, ինչն է արդյունք տվել, ու ինչ պիտի փոխես՝ կսկսես բիզնեսդ ղեկավարել ոչ թե ինտուիցիայով, այլ գիտակցված որոշումներով։

Պահիր այս հարցերը մոտդ, գրի առ պատասխանները, ու դարձրու դրանց վրա մտածելը շաբաթական սովորություն։ Արդյունքները երկար սպասեցնել չեն տա։

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: