Ինչպես պաշտպանել Ձեր բանկային հաշիվներն ու էլեկտրոնային դրամապանակը. IDBank. մանրամասները՝ ABNews.am կայքում
Աշխատող արցախցիների 55,6%-ը ստանում է մինչև 120 հազար դրամ աշխատավարձ
Աշխարհի ամենահարուստ մարդիկ կորցնում են միլիարդներ. ինչով է պայմանավորված անկումը. մանրամասները՝ ABNews.am կայքում
Կրիպտոմիլիարդատերերը Forbes-ի ցուցակում. ինչպես է կրիպտոն փոխել հարստության քարտեզը. մանրամասները՝ ABNews.am կայքում
Volkswagen-ը դադարեցրել է ավտոմեքենաների մատակարարումն ԱՄՆ
Հայ-չինական հարաբերություններ. 33 տարիների դիվանագիտական ուղին և զարգացման հնարավորությունները. մանրամասները՝ ABNews.am կայքում
IDBank-ը՝ ՓՄՁ-ների կողքին. դիտեք ABNews.am կայքում
ՓՄՁ-ներն ու բանկերը քննարկում են համագործակցության հեռանկարները. դիտեք ABNews.am կայքում
Կանադան ամերիկյան որոշ մեքենաների համար 25% մաքսատուրք կսահմանի
Doing Digital Forum 2025. Ապագայի փողն ու դրա տնտեսական ազդեցությունը. դիտեք ABNews.am կայքում
Զորակոչից խուսափելու համար պատիժները կխստացվեն. ինչ է առաջարկում կառավարությունը. մանրամասները՝ ABNews.am կայքում
ԱՄՆ-ն հարկադրված կլինի ռազմական ծախսերը հասցնելու ՀՆԱ-ի 5%-ի. Ռուբիո
Թրամփի մաքսատուրքերը՝ դոլարի անկման պատճառ. ինչ հետևանքներ սպասել. մանրամասները՝ ABNews.am կայքում
Մյանմարում երկրաշարժի զոհերի թիվը հասել է 3085-ի
Թրամփը 10%-անոց մաքսատուրքեր է սահմանել բոլոր ապրանքների համար և ավելի բարձր՝ 60 երկրների համար. ՀՀ-ի համար այն 10% է. մանրամասները՝ ABNews.am կայքում
Ինչու է ջրի կառավարման հարցը Հայաստանում մնում անլուծելի․ վերլուծություն. մանրամասները՝ ABNews.am կայքում
Նոր մրցանակ Evoca-ին՝ լավագույն ՓՄՁ բանկը Հայատանում 2025. մանրամասները՝ ABNews.am կայքում
OpenAI-ն 40 միլիարդ դոլարի նոր ֆինանսավորմամբ ընդլայնում է AI հետազոտությունները. մանրամասները՝ ABNews.am կայքում
Հայաստանում խուլիգանության դեպքերն աճել են 17.2%-ով․ Երևանում նվազել են, մարզերում՝ ավելացել
Հայաստանում կիբեր գողության դեպքերն աճել են 25%-ով

Evocabank-ը կներգրավի $10 մլն OFID-ից

Սպտ 24, 2024 12:58
39

Ֆինանսական միջոցները կուղղվեն տեղական ձեռնարկությունների զարգացման խթանմանը և Հայաստանում կլիմայի փոփոխությունների դեմ պայքարի օժանդակմանը:

OPEC միջազգային զարգացման հիմնադրամը Evocabank-ի հետ ստորագրել է 10 միլիոն ԱՄՆ դոլարի վարկային համաձայնագիր՝ ուղղված Հայաստանում միկրո, փոքր և միջին ձեռնարկությունների (ՄՓՄՁ) օժանդակմանը: Վարկային միջոցները տրամադրվելու են հիմնականում կանանց կողմից ղեկավարվող ձեռնարկություններին, ինչպես նաև կլիմայի փոփոխությունների դեմ պայքարելու նպատակով էներգաարդյունավետ և վերականգնվող էներգիայի աղբյուրների զարգացմանն ուղղված նախագծերի իրականացման համար:

OPEC հիմնադրամի նախագահ Աբդուլհամիդ Ալխալիֆան նշեց. «Evocabank-ի հետ մեր գործակցությունը հնարավորություն է տալիս մեզ լուծել զարգացման համար երկու առաջնահերթ խնդիր՝ ֆինանսական միջոցներն ավելի հասանելի դարձնել ՄՓՄՁ-ների, հատկապես այն բիզնեսների համար, որոնք բավարար կերպով չեն օգտվում ֆինանսական ծառայություններից, ինչպես նաև օժանդակել կլիմայի փոփոխությունների դեմ պայքարի Հայաստանի ջանքերի իրականացմանը: Այս համագործակցությունն արտացոլում է մեր ավելի լայն հանձնառությունը՝ նպաստելու Հայաստանում կայուն զարգացմանը և համակողմանի աճին»:

OPEC հիմնադրամի վարկային միջոցները կտրամադրվեն տեղական ընկերություններին, որոնք ներկայացնում են գրեթե բոլոր հայաստանյան բիզնեսները և ապահովում աշխատատեղերի մոտ 70%-ը: Չնայած նրան, որ այդ ընկերությունները տնտեսության մեջ կարևորագույն դեր են կատարում, շատ ՄՓՄՁ-ներ, հատկապես այն ընկերությունները, որոնք ղեկավարվում են կանանց կողմից, հաճախ վարկային սահմանափակումների առաջ են կանգնում, և դրանց շուրջ երեք քառորդը մասամբ կամ ամբողջովին չի կարողանում օգտվել անհրաժեշտ վարկային միջոցներից:

Evocabank-ի Վարչության նախագահ Կարեն Եղիազարյանը նշեց. «Մենք ուրախ ենք հայտարարել OPEC միջազգային զարգացման հիմնադրամի հետ մեր համագործակցության մասին: 10 միլիոն ԱՄՆ դոլար վարկային միջոցներով Evocabank-ը զգալի ազդեցություն կունենա Հայաստանում միկրո, փոքր և միջին ձեռնարկությունների զարգացման վրա: Այս վարկային միջոցները հնարավորություն կտան իրականացնելու բիզնեսի զարգացման և տարածաշրջանում տնտեսական առաջընթացին նպաստելու մեր տեսլականը: Մենք պատրաստ ենք առաջարկել անհատական պայմաններով ֆինանսական լուծումներ, որոնք կօգնեն ՄՓՄՁ-ներին հաղթահարել խնդիրները, ներդնել նորարարություններ և ընդլայնել իրենց գործունեության շրջանակը»:

OPEC հիմնադրամի կողմից Հայաստանին օժանդակումը սկիզբ է առել 2004 թվականից, և մինչ օրս տրամադրվել է շուրջ 300 միլիոն ԱՄՆ դոլար` պետական և մասնավոր հատվածների ֆինանսավորման, ֆինանսական կազմակերպություններին օժանդակման, ՓՄՁ-ների, ինչպես նաև գյուղատնտեսական և էներգետիկայի ոլորտների զարգացման նպատակով:

OPEC հիմնադրամի մասին

OPEC միջազգային զարգացման հիմնադրամը միակ միջպետական զարգացման հաստատությունն է, որը ֆինանսական միջոցներ է տրամադրում անդամ երկրներից ոչ անդամ երկրներին: Կազմակերպությունն աշխատում է զարգացող գործընկեր երկրների և միջազգային զարգացման համայնքի հետ համատեղ՝ ցածր և միջին եկամուտներով երկրներում տնտեսական աճը խթանելու և սոցիալական առաջընթաց ապահովելու նպատակով: OPEC-ը հիմնադրվել է 1976 թվականին հստակ նպատակով՝ խթանել զարգացումը, հզորացնել համայնքները և օգնել մարդկանց:

Մեր աշխատանքը սոցիալական կողմնորոշում ունի, նպատակաուղղված լինելով այն ֆինանսական նախագծերի իրականացմանը, որոնք բավարարում են մարդկանց առաջնային կարիքները՝ սնունդ, էներգետիկա, ենթակառուցվածքներ, զբաղվածություն (հատկապես կապված ՄՓՄՁ-ների հետ), մաքուր ջուր և սանիտարական պայմանների բարելավում, առողջապահություն և կրթություն:

Մինչ օրս OPEC հիմնադրամը տրամադրել է մոտ 27 միլիարդ ԱՄՆ դոլար ավելի քան 125 երկրների զարգացման նախագծերի իրականացման համար, որոնց ընդհանուր նախագծային արժեքն ավելի քան 200 միլիարդ ԱՄՆ դոլար է:  Fitch վարկանիշային գործակալությունը OPEC հիմնադրամին տվել է AA+ վարկանիշ «Կայուն» կանխատեսմամբ,  S&P գործակալության տված վարկանիշն էլ AA+ է «Կայուն» կանխատեսմամբ: Մեր տեսլականն է՝ ունենալ մի աշխարհ, որտեղ կայուն զարգացումը բոլորի համար իրականություն է:

Evocabank-ի մասին

Հիմնադրվելով 1990թ.՝ Evocabank-ը Հայաստանում գրանցված առաջին առևտրային բանկն է, որն ավելի քան 34 տարվա փորձառութուն ունի բանկային համակարգում: Բանկի գլխամասը Երևանում է, իսկ 13 մասնաճյուղերը՝ Երևանում և մարզերում: Evocabank-ը համակողմանի ֆինանսական ծառայություններ է մատուցում ֆիզիկական անձանց, ՄՓՄՁ-ներին և խոշոր ընկերություններին:

Բանկը ֆինանսական ծառայությունների մատուցումն իրականացնում է տեղեկատվական նորագույն տեխնոլոգիաների ակտիվ կիրառմամբ՝ արագ, պարզ և հարմար եղականով՝ աշխատելով mobile-first ֆորմատով: Կենտրոնանալով նորարարական թվային մոտեցումների վրա՝ Evocabank-ն ամենաարագ զարգացող բանկերից մեկն է Հայաստանում: Բանկն արժանացել է մի շարք միջազգային մրցանակների, այդ թվում՝ Global Finance հեղինակավոր ամսագրի կողմից «Հայաստանի ՓՄՁ լավագույն բանկ» և «Հայաստանի լավագույն թվային բանկ» մրցանակների: