2026-ի առաջին եռամսյակում Հայաստանը զբոսաշրջիկների այցելության ռեկորդային ցուցանիշ է գրանցել․ քանի զբոսաշրջիկ է այցելել երկիր

Ոլորտը շարունակում է դրական զարգացում արձանագրել։

2026 թվականի առաջին երեք ամիսներին Հայաստան է այցելել 453,138 զբոսաշրջիկ։ Այս մասին հայտարարել է ՀՀ էկոնոմիկայի նախարար Գևորգ Պապոյանը։

Նրա խոսքով՝ այս ցուցանիշը 18.2 տոկոսով ավելի է, քան նախորդ տարվա նույն ժամանակահատվածում գրանցված արդյունքը։ Աճը կազմում է ավելի քան 70 հազար զբոսաշրջիկ։

Նախարարը նշել է, որ սա Հայաստանի զբոսաշրջային վիճակագրության պատմության մեջ ամենաբարձր ցուցանիշն է առաջին եռամսյակի համար։

Պապոյանի գնահատմամբ՝ ոլորտը շարունակում է դրական զարգացում արձանագրել՝ պահպանելով աճի տեմպը։