ԱԲ-ով գեներացված բովանդակությունը հեռարձակելիս պետք է մակնշվի

Օրենքի պահպանման վերահսկողությունը կիրականացնի Հեռուստատեսության և ռադիոյի հանձնաժողովը։

Հայաստանում գործող աուդիովիզուալ լրատվամիջոցները պարտավոր կլինեն բացահայտել արհեստական բանականության միջոցով ստեղծված կամ փոփոխված բովանդակությունը։

Այս մասին ապրիլի 7-ին Ազգային ժողովի արտահերթ նիստում հայտարարել է բարձր տեխնոլոգիական արդյունաբերության նախարար Մխիթար Հայրապետյանը՝ «Տեսալսողական մեդիայի մասին» օրենքում փոփոխությունների քննարկման ժամանակ։

Նախարարի խոսքով՝ պահանջի չկատարումը կհանգեցնի 300,000 դրամ տուգանքի։

Օրենքի պահպանման վերահսկողությունը կիրականացնի Հեռուստատեսության և ռադիոյի հանձնաժողովը։

Նախագիծը միտված է ապահովելու տեղեկատվության թափանցիկությունը և կանխելու մոլորեցնող բովանդակության տարածումը։