Apple-ը ժամանակավորապես դադարեցնում է Apple Watch-ի վաճառքը ԱՄՆ-ում

Apple-ի բաժնետոմսերը նվազել են գրեթե 1%-ով, երբ ընկերությունը հայտարարել է, որ առաջիկա օրերին կդադարեցնի իր Apple Watch Series 9-ի և Apple Watch Ultra 2-ի վաճառքը: Apple-ը կհեռացնի ժամացույցներն իր առցանց խանութներից մինչև դեկտեմբերի 21-ի կեսօր, իսկ խանութներից՝ մինչև դեկտեմբերի 24-ը: Ժամացույցները չեն վաճառվելու այն պատճառով, որ Առևտրի միջազգային հանձնաժողովը (ITC) որոշում է կայացրել ի օգուտ բժշկական սարքեր արտադրող Masimo ընկերության, որի համաձայն Apple-ին չի թույլատրվում ներմուծել և վաճառել Series 9-ը և Ultra 2-ը ԱՄՆ-ում: Masimo-ն և Apple-ն ունեին արտոնագրային վեճ այն հարցի շուրջ, թե արդյոք վերջինս իր սարքավորումներում օգտագործել է Masimo-ի՝ արյան մեջ թթվածնի չափման տեխնոլոգիան: Apple-ի մեկ բաժնետոմսի արժեքը դեկտեմբերի 18-ի դրությամբ կազմում է 196 ԱՄՆ դոլար: