Ռուսաստանի կառավարությունը հավանություն է տվել եկամուտների օրինականացման (լվացման) ռիսկերի գնահատման միջազգային կենտրոն ստեղծելու մասին համաձայնագրի նախագծին եւ կառաջարկի ՌԴ նախագահ Վլադիմիր Պուտինին հաստատել փաստաթուղթը,- գրում է banks.am-ը: Համաձայնագրի նախագծի համաձայն՝ կենտրոնի շրջանակներում ԱՊՀ երկրների ֆինանսական հետախուզությունները կզբաղվեն հանցավոր եկամուտների լվացման, ինչպես նաեւ ահաբեկչության ֆինանսավորման ռիսկերի վերազգային մոնիտորինգով։ Նախատեսվում է նաեւ երկրների միջեւ համապատասխան տվյալների եւ էլեկտրոնային փաստաթղթերի փոխանակման տեղեկատվական համակարգ ստեղծել։
