ՌԴ-ից ֆիզիկական անձանց փոխանցումները ԱՊՀ երկրներ ավելացել են 2,45 անգամ 2022թ. Ռուսաստանից ֆիզիկական անձանց փոխանցումները մերձավոր արտասահմանի մի քանի երկիր ավելացել են` հասնելով մոտ 24 մլրդ դոլարի, դա 2,45 անգամ ավելի է 2021թ. ցուցանիշի համեմատ: Այս տվյալները հրապարակում են Ղազախստանի, Հայաստանի, Ղրղըզստանի, Վրաստանի եւ Ուզբեկստանի կենտրոնական բանկերը: Անցած տարվա արդյունքներով փոխանցումների գումարի առումով բացարձակ առաջատարը Ուզբեկստանն է. այս երկիր Ռուսաստանից ֆիզիկական անձինք փոխանցել են 14,5 մլրդ դոլար? 2,6 անգամ ավելի, քան 2021թ.: Իսկ աճի տեմպի տեսակետից առաջատարը Ղազախստանն է. Ռուսաստանից դրամական փոխանցումներն այս երկիր ավելացել են ավելի քան վեց անգամ ` 773 մլն դոլար: Ղազախստանից գրեթե հետ չի մնացել նաեւ Վրաստանը. Ռուսաստանից այստեղ փոխանցումներն անցած տարվա արդյունքներով հնգակի աճ են գրանցել ` հասնելով 2 մլրդ դոլարի: Նույնքան ակտիվ ավելացել են Հայաստան կատարված փոխանցումները. 2021թ. համեմատ դրանք ավելացել են չորս անգամ? 3,6 մլրդ դոլար: Ադրբեջանի կենտրոնական բանկն առայժմ հրապարակել է 9 ամիսների արդյունքների վիճակագրությունը, սակայն այստեղ եւս նկատվել է մեծ դինամիկա. փոխանցումներն ավելացել են 5,5 անգամ ՝ 2,3 մլրդ դոլար: Հակառակ ուղղությամբ, այսինքն ՝ թվարկված երկրներից Ռուսաստան, դրամական փոխանցումներն, իրենց հերթին ավելացել են: