Դաշնային պահուստային համակարգն անփոփոխ է թողել վերաֆինանսավորման տոկոսադրույքը՝ սահմանելով 4.25-4.50%: Կարգավորողները 2025թ.-ի ընթացքում տոկոսադրույքների 2 կրճատում են կանխատեսում։
Մեծ Բրիտանիայում փետրվարին հանրության շրջանում կարճաժամկետ գնաճի սպասվող ցուցանիշը հասել է վերջին 14 ամիսների առավելագույն մակարդակին։ Առաջիկա մեկ տարվա համար սպասվում է 3.9% գնաճ՝ հունվարին սպասվող 3.5%-ի փոխարեն։
ՌԴ կենտրոնական բանկն արդեն 3-րդ անգամն անընդմեջ անփոփոխ է թողնում վերաֆինամսավորման տոկոսադրույքը 21%-ի մակարդակում։ Գնաճը տարեկան կտրվածքով կազմում է 10.1%՝ դեռևս էապես բարձր մնալով կենտրոնական բանկի թիրախային 4%-ից։
ԱՄՆ-ում գործազրկության նպաստի առաջնային դիմումների թիվը մարտի 15-ին ավարտվող շաբաթվա ընթացքում աճել է 2,000-ով և կազմել 230,000, ինչը ենթադրում է, որ աշխատուժի շուկան մարտին կայուն է եղել, սակայն հեռանկարը դեռևս շարունակում է անորոշ մնալ։
Անգլիայի կենտրոնական բանկն (BoE) անփոփոխ է թողել վերաֆինանսավորման տոկոսադրույքը՝ սահմանելով 4.5%: Reuters-ի կողմից իրականացված հարցումների արդյունքներով սպասվում է, որ BoE-ն այս տարի երեք անգամ կնվազեցնի տոկոսադրույքները՝ մայիսին, օգոստոսին և նոյեմբերին։
