Երեք տարի կպահանջվի, որպեսզի Գերմանիան գտնի գազի այլ մատակարարներ, որոնք կփոխարինեն ռուսականին։ Այս մասին ARD հեռուստաալիքի եթերում հայտարարել է գերմանական E.ON խոշորագույն էներգետիկ կոնցեռնի գործադիր տնօրեն Լեոնարդ Բիրնբաումը։
«Մեր գնահատականներով՝ Ռուսաստանից գազից կախվածությունը նվազեցնելու համար կպահանջվի երեք տարի»,- ասել է Բիրնբաումը։ Նա հավելել է, որ առանց Ռուսաստանից գազի ներկրման, Գերմանիայի տնտեսությունը հսկայական վնաս կկրի, որից լավագույնս հնարավոր կլինի խուսափել։ Ընկերության ղեկավարը գնահատել է ռուսական նավթից մեկ տարվա անցումը։ Ածուխի դեպքում իրավիճակն ավելի արագ կարող է լուծվել։ Բայց բնական գազի մատակարարների փոխարինումը շատ ժամանակ կխլի։ Բիրնբաումը նախազգուշացրել է, որ եթե Ռուսաստանից էներգակիրների մատակարարումը դադարեցվի դեֆիցիտի վտանգ կա արդյունաբերության տարբեր ճյուղերում բաղադրիչների բացակայության պատճառով։ Մարտի 28-ին Գերմանիայի կանցլեր Օլաֆ Շոլցը Շվեդիայի վարչապետ Մագդալենա Անդերսոնի հետ համատեղ մամուլի ասուլիսում հերթական անգամ դեմ է արտահայտվել ռուսական գազի դիմաց ռուբլով վճարելուն։ Նա հայտարարել է , որ պայմանագրերի մեծ մասը նախատեսում է եվրոյով վճարում։
