Համաշխարհային ինդեքսներ
Ամերիկյան ինդեքսները երեքշաբթի օրը փակվել են փոքրիկ մինուսով. Dow Jones Industrial Average-ը նվազել է 0.15%-ով՝ հասնելով 40,834.97 կետի: S&P 500-ի արժեքը նվազել է 0.24%-ով՝ հասնելով 5,595.04 կետի: S&P 500 ֆյուչերսը չորեքշաբթի օրը ավելացել է 0.12%-ով: Ճապոնական Nikkei 225-ը աճել է 0.93%-ով՝ հասնելով 37,982 կետի, կորեական KOSPI-ն ավելացել է 0.13%-ով՝ հասնելով 2,699.82 կետի, իսկ չինական Shanghai Composite-ը նվազել է 0.28%-ով՝ հասնելով 2,858.70 կետի:
Մակրոէկոնոմիկա
1. Կրեդիտային տոկոսադրույքը մեկ տարվա համար առաջնակարգ փոխառուների համար (LPR, loan prime rate) Չինաստանում կմնա 3.35% մակարդակում՝ մոտակա ամսվա համար: Հինգ տարվա վարկերի տոկոսադրույքը մնացել է անփոփոխ՝ 3.85% տարեկան:
2. Եվրագոտու ինֆլյացիան հուլիս ամսվա արդյունքներով արագացել է՝ հասնելով 2.6%-ի տարեկան արտահայտմամբ: Սակայն այս թիվը համընկել է սպասումներին: Ամսական արտահայտմամբ սպառողական գները չեն փոխվել:
3. Թուրքիայի կենտրոնական բանկը երեքշաբթի, օգոստոսի 20-ին, որոշել է հինգերորդ անգամ թողնել հաշվարկային տոկոսադրույքը 50% տարեկան մակարդակում:
Ապրանքային շուկաներ
Ոսկու գինը նվազել է՝ կանգ առնելով $2512.2 մեկ ունցիայի համար: Երեքշաբթի օրը նավթի գները նվազել են: Brent նավթի գինը կազմում է $77.0 մեկ բարելի համար, իսկ WTI-ի գինը՝ մոտ $73.0 մեկ բարելի համար:
Կորպորատիվ իրադարձություններ/ միջոցառումներ
1. Ամերիկյան կիբերանվտանգության լուծումների մշակող Palo Alto Networks-ը 2024 ֆինանսական տարվա չորրորդ եռամսյակում ավելացրել է իր մաքուր շահույթը մեկուկես անգամ և բարձրացրել եկամուտը 12%-ով: Հաշվետու ժամանակահատվածում ընկերության մաքուր շահույթը կազմել է $357.7 միլիոն: Եկամուտը աճել է 12%-ով՝ հասնելով $2.19 միլիարդից, նախորդ տարվա $1.95 միլիարդից: Ընկերության ղեկավարությունը նաև ավելացրել է բաժնետոմսերի հետգնման ծրագրի չափը $500 միլիոնով՝ հասցնելով $1 միլիարդի: Ծրագիրը կգործի մինչև 2025 թվականի վերջ:
2. Berkshire Hathaway ներդրումային ընկերությունը շարունակել է նվազեցնել իր բաժնեմասը Bank of America-ում: Berkshire-ը վաճառել է 14 միլիոն բանկի արժեթղթեր նախորդ հինգշաբթի, ուրբաթ և երկուշաբթի: Ընդհանուր վաճառքի գումարը կազմել է մոտ $550 միլիոն:
