Վլադիմիր Պուտինը հրամանագիր է ստորագրել Ուկրաինայի Զապորոժիեի և Խերսոնի շրջանների բնակիչներին ՌԴ քաղաքացիություն տրամադրելու պարզեցված ընթացակարգի մասին։ Փաստաթուղթը հրապարակված է իրավական տեղեկատվության հարթակում։ Հրամանագիրն ուժի մեջ է մտնում ստորագրման պահից։
Նախագահը փոփոխել է 2019 թվականի ապրիլի 24-ի իր հրամանագիրը, որը թույլ է տվել Դոնեցկի և Լուգանսկի Ժողովրդական Հանրապետությունների բնակիչներին ռուսական անձնագրերի պարզեցված տրամադրում։ 2022 թվականի փետրվարի 21-ին Պուտինը որոշեց ճանաչել ԿԺԴՀ-ի և ԼԺՀ-ի անկախությունը և հանրապետությունների ղեկավարներ Դենիս Պուշիլինի և Լեոնիդ Պասեչնիկի հետ ստորագրեց բարեկամության, համագործակցության և փոխօգնության մասին պայմանագրեր: Փետրվարի 22-ին այս փաստաթղթերը վավերացվել են Պետդումայի և Դաշնության խորհրդի կողմից։
Ավելի վաղ չորեքշաբթի ՝ մայիսի 25-ին, Ռուսաստանի կողմից նշանակված Զապորոժիեի շրջանի ռազմական-քաղաքացիական վարչակազմի անդամ Վլադիմիր Ռոգովը հայտարարել էր, որ տարածաշրջանը կգնա Ռուսաստանին միանալու ճանապարհով։ «Զապորոժիեի շրջանի համար կարող է լինել միայն մեկ ապագա ՝ այն պետք է լինի Ռուսաստանի կազմում, դառնա Ռուսաստանի Դաշնության լիիրավ սուբյեկտը»,- ասել է նա ՌԻԱ Նովոստիին։
