Ինչպես գրեթե ամեն տարի, այս սեզոնի գյուղատնտեսական գլխավոր խնդիրը ևս խաղողի մթերումն է: Այսպես կոչված միջնորդները պայմանագրեր են կնքում գործարարների հետ, հետո խաղողն էժան գնում գյուղացուց ու թանկ վաճառում մթերողին: Ազնիվ չէ՝ բողոքում են գյուղացիները, բայց այլ տարբերակ էլ չունեն, բիզնեսը փոքր տնտեսությունների հետ գործ ունենալ չի ուզում: Մյուս կողմից` Հայաստանում աճեցվող խաղողի մեծ մասը պիտանի է կոնյակի սպիրտի համար : Եթե կա ապրանքի պրոֆիցիտ, ինչու չփոխել պրոֆիլն ու, օրինակ` մշակել գինու խաղող, որը և ավելի թանկ է, և ավելի պահանջված: Սակայն ամեն տարի խնդիրների բախվող ֆերմերները մասնագետների այդ առաջարկը չեն ընդունում, ակնկալում են պետական միջամտություն:
JavaScript seems to be disabled in your browser. You must have JavaScript enabled in your browser to utilize the functionality of this website.
