Ֆաբերժեի արքայական ձուն վաճառվել է ռեկորդային գնով

Այս եզակի ստեղծագործությունը պատրաստված է լեռնային բյուրեղից։

Պետեր Կառլ Ֆաբերժեի ամենաշքեղ ստեղծագործություններից մեկը՝ «Ձմեռային ձուն», Լոնդոնում աճուրդի է հանվել և վաճառվել ռեկորդային 22,9 մլն ֆունտ ստեռլինգով (30,2 մլն ԱՄՆ դոլար)։ Այն պատրաստվել էր 1913թ.-ին՝ Ռուսաստանի վերջին կայսր Նիկոլայ II-ի հանձնարարությամբ՝ որպես Սուրբ Զատկի նվեր նրա մոր՝ կայսրուհի Մարիա Ֆեոդորովնայի համար։

Այս եզակի ստեղծագործությունը պատրաստված է լեռնային բյուրեղից, ներսից փորագրված նախշերով, իսկ դրսում զարդարված է պլատինե ձյունահյուսերով ու ադամանդներով։ «Ձմեռային ձուն» համարվում է Ֆաբերժեի ամենահռչակավոր և տեխնիկապես ամենաբարդ աշխատանքներից։

Դրա վաճառքը աճուրդում գերազանցել է Ֆաբերժեի նախկին համաշխարհային ռեկորդը՝ 2007-ին «Ռոթշիլդի ձվի» համար վճարված 8,9 ֆունտ ստեռլինգով։Սա արդեն երրորդ անգամն է, երբ այս նույն ձուն աճուրդում սահմանում է նոր ռեկորդ։ Տասնամյակներ շարունակ ձուն ձեռքից ձեռք է փոխանցվել՝ գրավելով շատ մարդկանց ուշադրություն, անգամ մի ժամանակ համարվել է կորած։