Դրամի արժևորումը դոլարի նկատմամբ կարող է դրական ազդել նաև էլեկտրաէներգիայի գնի վրա: Հանրային ծառայությունները կարգավորող հանձնաժողովն ուսումնասիրություններ է իրականացնում: ՀԾԿՀ Սակագնային քաղաքականության վարչության պետի խոսքով փոխարժեքը կարևոր գործոններից մեկն է, որը հաշվի է առնվում գները սահմանելիս: Այս դեպքում այն վերջնական գնի վրա կազդի, թե ոչ, կամ ինչ չափով կազդի՝ հստակ չէ: Ինչ վերաբերում է գազի գնին, այս առումով դեռևս ուսումնասիրություններ չեն սկսվել, սակայն Ուլիխանյանը չբացառեց նաև այդ հնարավորությունը: Նա հիշեցրեց՝ խոշոր սպառողների համար փոխարժեքի փոփոխությունը գազի գնի վրա արդեն ազդել է: Թե ինչպես կընթանան իրադարձությունները, կախված է նաև ՋԷԿ-երի արտադրության ծավալից, պետության երաշխիքով վերցրած վարկերի վճարումներից, նշում է Հանրային ծառայությունները կարգավորող հանձնաժողովը:
JavaScript seems to be disabled in your browser. You must have JavaScript enabled in your browser to utilize the functionality of this website.
