ԱՄՆ պետական բյուջեի պակասուրդը 2025թ. հարկային տարվա առաջին 5 ամիսներին (հոկտեմբեր — փետրվար) հասել է ռեկորդային բարձր մակարդակի՝ 1.147 տրիլիոն դոլարի։ Միայն փետրվարին՝ Թրամփի պաշտոնավարման առաջին ամբողջական ամսվա ընթացքում, պակասուրդը կազմել է 307 միլիարդ դոլար, ինչը 4%-ով ավել է նախորդ տարվա փետրվարի ցուցանիշից։
Երեքշաբթի օրը տնտեսական անորոշության ֆոնին գրանցվել է ամերիկյան բաժնետոմսերի՝ վերջին ամիսներին ընթացքում ամենամեծ մասսայական վաճառքը, ինչի արդյունքում Dow Jones ինդեքսն ընկել է 1.14%-ով, S&P 500-ը՝ 0.76%-ով, Nasdaq-ը՝ 0.18%-ով:
Հունվարին ԱՄՆ աշխատաշուկայում ավելացել է 232,000 աշխատատեղ, կրճատումները նվազել են 34,000-ով: Չնայած աշխատատեղերի աճին՝ աշխատուժի նկատմամբ պահանջարկը հավանաբար կնվազի առաջիկա ամիսներին՝ ներմուծման մաքսատուրքերի և պետական ծախսերի կրճատման հետևանքով տնտեսական ակտիվության հնարավոր անկման հետ կապված մտավախությունների ֆոնին։
Ոսկին առաջին անգամ հատել է 1 ունցիայի դիմաց 3000 դոլարի շեմը, ինչը պայմանավորված է Թրամփի վարած քաղաքականության հետևանքով ստեղծված տնտեսական անորոշության ֆոնին ավելի ապահով ակտիվների նկատմամբ պահանջարկի աճով։
ԱՄՆ-ում գործազրկության նպաստի առաջնային դիմումների թիվը մարտի 8-ին ավարտվող շաբաթվա ընթացքում նվազել է 2,000-ով և կազմել 220,000։
