Թոշակառուների անկանխիկ գործարքներից հետվճարը կրկնապատկվել է Հուլիսի համեմատ օգոստոսին թոշակառուների անկանխիկ գործարքներից հետվճար տրամադրելու ծրագրի հատկացումները կրկնապատկվել են: Եթե հուլիսին կատարվել է ավելի քան 400 միլիոնի գործարք, ապա օգոստոսին գործարքները գերազանցել են 800 միլիոն դրամը: Սեպտեմբերից ծրագրին միացել է նաեւ երրորդ բանկը: Աշխատանքի եւ սոցիալական հարցերի նախարարությունն ակնկալում է, որ սեպտեմբերի տվյալները շատ ավելի կլինեն: Հետվճարի համակարգը գործում է կենսաթոշակառուների եւ նպաստառուների համար, գումարը վերադարձվում է առևտրի կետերում և ծառայություններ մատուցող կազմակերպություններում անկանխիկ վճարում կատարելու դեպքում` գործարքի գումարի 10 %-ի չափով, բայց ոչ ավելի, քան 5,000 դրամը: Հետվճարը գործում է նաև կոմունալ վճարման դեպքում: Գումարը վերադարձվում է մինչեւ հաջորդ ամսվա 25-ը: 2023-ի բյուջեի նախագծով` հաջորդ տարվա հուլիսի 1-ից կբարձրանա կենսաթոշակը: 2023 թ. կենսաթոշակների ֆինանսավորումը 2022-ի համեմատ ավելին կլինի 25 միլիարդ դրամով: