Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը կարծում է, որ Եվրասիական տնտեսական միության երկրները պետք է ոչ միայն հաշվարկներն, այլեւ գնագոյացումը կատարեն ազգային արժույթներով։ Նրա խոսքով Այս իրավիճակում, երբ գները կձեւավորվեն ազգային արժույթներով, դրանց փոխարժեքների տատանողականությունն այդքան վնաս չի պատճառի; Միխայիլ Մյասնիկովիչը կարծում է, որ ԵԱՏՄ շրջանակում հնարավոր է համապատասխան համաձայնության գալ։ Նրա խոսքով՝ այս հարցում հատկապես հաջող են աշխատում Բելառուսն ու Ռուսաստանը եւ գործակցության այս մակարդակն օրինակ է ծառայում այլ պետությունների համար։ Ավելի վաղ ԵԱՏՄ երկրները պայմանավորվել էին աստիճանական անցում կատարել ազգային արժույթներով հաշվարկներին։ Նշվել էր, որ փոխադարձ առեւտրի արդեն 74%-ն իրականացվում է ԵԱՏՄ երկրների ազգային արժույթներով։
JavaScript seems to be disabled in your browser. You must have JavaScript enabled in your browser to utilize the functionality of this website.
