Զբոսաշրջության ոլորտում Վրաստանի եկամուտը 2022 թվականի ավարտին կգերազանցի $3 միլիարդը:
«Այս ցուցանիշն ուղղակիորեն ազդում է նոր աշխատատեղերի ստեղծման եւ տեղի բնակիչների բարեկեցության բարելավման վրա»,- հայտարարել է Վրաստանի էկոնոմիկայի եւ կայուն զարգացման փոխնախարար Մարիամ Կվրիվիշվիլին: Նման եկամուտ ակնկալելու պատճառն այն է, որ Վրաստանը կարողացել է 100%-ով վերականգնել զբոսաշրջության ոլորտում մինչհամավարակային շահույթի ցուցանիշները:
Ավելի վաղ հայտնի էր դարձել, որ այս տարվա հունվարից հոկտեմբեր ընկած ժամանակահատվածում զբոսաշրջությունից Վրաստանի եկամուտը կազմել է ավելի քան $2,8 միլիարդ:
Ընթացիկ տարվա 10 ամսվա շահույթը 183,2%-ով ավելի է 2021 թվականի նույն ցուցանիշներից: Միայն հոկտեմբերին երկիրը զբոսաշրջությունից վաստակել է գրեթե $338 միլիոն, ինչը 137,1%-ով ավելի է 2021 թվականի հոկտեմբերի համեմատ:
JavaScript seems to be disabled in your browser. You must have JavaScript enabled in your browser to utilize the functionality of this website.
