Հայտնի են 2024 թվականի 3-րդ քննաշրջանի էքստեռն ավարտական քննությունների օրերը ՀՀ կրթության, գիտության, մշակույթի և սպորտի նախարարի հրամանով հաստատվել են 2024 թվականի 3-րդ քննաշրջանի դրսեկության ձևով (էքստեռն) ավարտական քննությունների կազմակերպման և անցկացման կարգն ու ժամանակացույցը: Այսպիսով, 3-րդ քննաշրջանի դրսեկության ձևով (էքստեռն) ավարտական քննությունները կանցկացվեն հոկտեմբերի 15-ից նոյեմբերի 15-ը ներառյալ, Երևանի թիվ 198 ավագ դպրոցում (Նոր Նորք, 9-րդ զանգված, Վիլնյուսի 13/1): Հիմնական կրթության վկայական ստանալու համար դրսեկները հանձնելու են հետևյալ առարկաները՝
  • Գրավոր քննություններ՝ «Համաշխարհային պատմություն», «Հայաստանի աշխարհագրություն», «Աշխարհագրություն», «Ֆիզիկա», «Քիմիա», «Կենսաբանություն»:
  • Բանավոր քննություններ՝ «Հայոց եկեղեցու պատմություն», «Հասարակագիտություն», «Ինֆորմատիկա», «ՆԶՊ և անվտանգ կենսագործունեություն», «Ռուսաց լեզու», «Օտար լեզու» (անգլերեն, ֆրանսերեն, գերմաներեն կամ այլ լեզուներ՝ սովորողի ընտրությամբ), «Գրականություն»:
Միջնակարգ կրթության ատեստատ ստանալու համար դրսեկները հանձնելու են հետևյալ առարկաները՝
  • Գրավոր քննություններ՝ «Համաշխարհային պատմություն», «Ֆիզիկա», «Քիմիա», «Կենսաբանություն», «Աշխարհագրություն», «Օտար լեզու», «Ռուսաց լեզու»:
  • Բանավոր քննություններ՝ «Հայոց եկեղեցու պատմություն», «Հասարակագիտություն», «Ինֆորմատիկա», «ՆԶՊ և անվտանգ կենսագործունեություն», «Ռուս գրականություն» (ռուսերենով ուսուցվողների համար):
  • «Ֆիզկուլտուրա» առարկայից հանձնում են ստուգարք:
Գրավոր քննությունները գնահատվում են 20 բալային համակարգով, իսկ բանավոր քննությունները՝ 10 բալային: Հիմնական կրթության վկայականում և միջնակարգ կրթության ատեստատում քննությունների գնահատականները նշվում են 20 բալային համակարգով, իսկ տարեկան գնահատականները՝ 10 բալային համակարգով: Գնահատականների անցման սանդղակը հետևյալն է՝
  • 8-9 միավոր՝ 4
  • 10-11 միավոր՝ 5
  • 12-13 միավոր՝ 6
  • 14-15 միավոր՝ 7
  • 16-17 միավոր՝ 8
  • 18-19 միավոր՝ 9
  • 20 միավոր՝ 10
Դրսեկության ձևով քննությունների անցկացումն ու վերահսկումը կատարում է ՀՀ կրթության, գիտության, մշակույթի և սպորտի նախարարությունը: