Դիլիջանում մեկնարկել է այս տարվա սուբվենցիոն 4 ծրագրերից առաջինը

Դիլիջանում նորոգվում է քաղաքի ամենաերկար փողոցը: Մեկնարկել է այս տարվա համար նախատեսված սուբվենցիոն 4 ծրագրերից առաջինը: Ծրագրերի մոտ 1.5 մլրդ դրամ ընդհանուր արժեքի 722 մլն-ից ավելին բաժին է ընկնում այս ճանապարհին: Շինարարությունը միաժամանակ ընթանում է մի քանի հատվածներում: Կենտրոնական և բանուկ փողոցի մոտ 100 մետրը երթևեկի համար տևական ժամանակ ամենավտանգավոր հատվածն էր: Մայթը մնացել էր հողահոսքի տակ, և սողքը սպառնում էր արդեն ճանապարհին: Շինարարական աշխատանքում ընդգրկված է նաև 15-ից ավելի տեղաբնակ: Ասում են՝ գործին խանգարում է միայն մեքենաների ինտենսիվ երթևեկը: Շինարարների հավաստմամբ՝ եթե եղանակը թույլ տա, աշխատանքը կավարտվի նախատեսված ժամկետում՝ նոյեմբերի վերջին: