49 նոր էլեկտրոմոբիլ Կառավարության համար Կառավարությունը ավելի քան 1 միլիարդ 38 միլիոն դրամով 49 նոր ծառայողական ավտոմեքենա ձեռք բերել «Ավանտգարդ» ընկերությունից, որոնց գերակշիռ մասը էլեկտրամոբիլներ են։ Համապատասխան որոշումն ընդունվեց ՀՀ կառավարության այսօրվա նիստի ժամանակ։ Մեքենաների մեջ ներառված են ներկայացուցչական 1 ամենագնաց, 6 էլեկտրական սպասարկող ամենագնաց, 39 էլեկտրական ծառայողական ամենագնաց, 3 ներկայացուցչական սեդան։ Ավտոմեքենաների ձեռքբերման գնման ընթացակարգերի շրջանակներում ընտրված մասնակից է ճանաչվել «Ավանտգարդ» ՍՊԸ-ն։ Ընկերության հետ պայմանագրերը կնքվել է այս տարվա հունիսի 27-ին։ Ըստ որոշման հիմնավորումների՝ կառավարությունը գնելու է Volvo XC90 ներկայացուցչական ամենագնաց, որի արժեքը 43,8 միլիոն դրամ է՝ 110 000 դոլար։ Երկրորդ պայմանագրով կառավարությունը ձեռք է բերելու 6 հատ Volvo EX30 էլեկտրական մեքենա։ 6 մեքենայի համար կվճարվի 90 միլիոն դրամ՝ մոտ 230 000 դոլար։ Երրորդ պայմանագրով կառավարությունը գնելու է 39 հատ Volvo EX30 մեքենա։ Այս պայմանագրով նախատեսվում է «Ավանտգարդ»-ին փոխանցել 780 միլիոն դրամ։ Չորրորդ պայմանագրով կառավարությունը ձեռք է բերելու 3 ներկայացուցչական դասի Volvo S90 Plug Hybrid սեդան ավտոմեքենա։ Չորրորդ պայմանագրի արժեքը կկազմի 210 միլիոն դրամ՝ 535 000 դոլար։ Մեքենաները ձեռք բերելու համար ՀՀ կառավարության ներքո հաստատված միջոցներից 1 մլրդ 38 մլն 600 հազար դրամը կհատկացվի տարածքային կառավարման և ենթակառուցվածքների նախարարության պետական գույքի կառավարման կոմիտեին: Վերը նշված բոլոր մեքենաները 2024-ի արտադրության են լինելու։