Բելգիան սառեցրել է ավելի քան 50 միլիարդ եվրոյին համարժեք ռուսական ակտիվներ

Բելգիայի կառավարությունը սառեցրել է մոտ 50,5 միլիարդ եվրոյի ակտիվները, որոնք պատկանում են ռուս անհատներին, ընկերություններին կամ կազմակերպություններին, որոնք հայտնվել են ԵՄ պատժամիջոցների տակ: Այս մասին De Tijd թերթին ասել է Բելգիայի ֆինանսների նախարարության ներկայացուցիչ Ֆրենսիս Ադինսը։ Սա շատ ավելին է, քան մինչ այժմ հայտնի էր: Վերջին անգամ Բելգիան ռուսական սառեցված ակտիվների մասին տեղեկություն է հրապարակել դեռ մարտին, երբ այն կազմում էր մոտ 3,5 միլիարդ եվրո ՝ գրեթե 15 անգամ պակաս։ Սառեցված միջոցների գումարը ներառում է ցանկացած ֆինանսական ակտիվներ, ինչպիսիք են կանխիկ դրամը և բաժնետոմսերը, որոնք գտնվում են Բելգիայում: Դրանք պատկանում են 1129 ֆիզիկական անձանց և 110 ընկերությունների Ռուսաստանից,- նշել է ֆինանսների նախարարության ներկայացուցիչը ՝  հրաժարվելով կոնկրետ անուններ տալ: «Մենք կարող ենք միայն ասել, որ մենք սառեցրել ենք մեծ քանակությամբ ակտիվներ այն անձանց, ովքեր եղել են պատժամիջոցների վերջին ալիքների մեջ»,- ասել է ներկայացուցիչը ՝ մանրամասնելով, որ խոսքը վեցերորդ և յոթերորդ փաթեթների մասին է։