Փետրվարի 1-ից մեկնարկել է անհուսալի վարկեր ունեցող անձանց աջակցության ծրագիրը, որը նախատեսված է վարկային պարտավորություններ ունեցող այն քաղաքացիների համար, որոնց վարկերը առնվազն 3 տարի դասակարգված են որպես անհուսալի, և դրանց մայր գումարի հանրագումարը չի գերազանցում 1 միլիոն դրամը։
Ովքեր կարող են օգտվել ծրագրից
Աջակցությունից կարող են օգտվել այն քաղաքացիները, ովքեր ունեն գրանցված (ֆորմալ) զբաղվածություն և վարկային պարտավորություններ Կենտրոնական բանկի կողմից լիցենզավորված բանկերում և վարկային կազմակերպություններում։
Ինչ աջակցություն է տրամադրվում
Շահառուների աշխատավարձից վարկի սպասարկման համար հաշվարկված եկամտային հարկի գումարը կուղղվի անհուսալի վարկային պարտավորության մարմանը՝ առավելագույնը 24 ամիս ժամկետով։
Բացի այդ, շահառուների համար նախատեսվում է վարկի սպասարկման եկամտային հարկի գումարի նվազեցում՝ ներկայիս 50%-ի փոխարեն՝ 20% չափով։
Ինչպես դիմել ծրագրին
Աջակցության համար քաղաքացիները պետք է դիմեն https://e-social.am/services հարթակի միջոցով՝ հետևելով հետևյալ քայլերին.
1. Մուտք գործել e-social.am հարթակ
2. Ընտրել «Կյանքի դժվարին իրավիճակ» պատուհանը, այնուհետև «Անհուսալի վարկերի միջոցառում» դաշտը
3. Նույնականացնել տվյալները՝ ընտրելով «Բջջային նույնականացման քարտ» (mID) կամ «Նույնականացման քարտ» տարբերակներից որևէ մեկը
4. Լրացնել անհրաժեշտ տեղեկատվությունը և ավարտել դիմումի գործընթացը
Այլընտրանքային տարբերակ
Եթե դիմորդն mID կամ նույնականացման քարտ չունի, կարող է անձամբ ներկայանալ Միասնական սոցիալական ծառայության տարածքային կենտրոններ (հասցեները՝ https://socservice.am/offices)։
Ծրագրի մանրամասներին ծանոթանալու և դիմում ներկայացնելու համար այցելեք e-social.am։
