Երեխաների պաշտպանության միջազգային օրվա՝ հունիսի 1-ի առթիվ ԱրարատԲանկն իր սոցիալական պատասխանատվության շրջանակում հերթական ծրագիրն է կյանքի կոչել։ Բանկը «Սիթի Օֆ Սմայլ» բարեգործական հիմնադրամի շահառու երեխաներին մանկական աղոթագրքեր է նվիրել։
Առաջին տարին չէ, որ ԱրարատԲանկը համագործակցում է «Սիթի օֆ Սմայլ» բարեգործական հիմնադրամի հետ և միանում հիմնադրամի՝ քաղցկեղով հիվանդ երեխաներին բուժելու ջանքերին։
Աղոթագրքի թիրախային լսարանը 5-8 տարեկան երեխաներն են։ Փոքր տարիքից ծնող-երեխա կապը ճանաչողական առումով մեծ է, և երեխան շատ է հարցերով դիմում իր մայրիկին և մայրն է, որ ծանոթացնում է երեխային աշխարհի հետ, պատասխանում հարցերի, պարզ բառերով աղոթել սովորեցնում։
«Այս նախաձեռնութամբ Բանկը հիմնադրամի հոգածության ներքո միասնության և հույսի պահին կանգնում է քաղցկեղի և արյան չարորակ հիվանդությունների դեմ պայքարող երեխաների կողքին։ Ի դեպ, վերջերս ԱրարատԲանկում ձևավորվել է նաև ութ աշխատակցից բաղկացած ինտելեկտուալ թիմ, որն օրեր առաջ մասնակցել է «Ի՞նչ, որտե՞ղ, ե՞րբ» բարեգործական առաջնությանը և գումարն ուղղել քաղցկեղով հիվանդ երեխաների բուժմանը։ Սա հերթական անգամ ընդգծում է Բանկի կողմից սոցիալական պատասխանատվություն ստանձնելու կարևորությունը», — նշել է Գործադիր տնօրենի հասարակայնության հետ կապերի գծով խորհրդական Աննա Ալլահվերդյանը։
