IDBank-ը Cashless Forum Uzbekistan 2025-ում․ տեխնոլոգիաներ, որ փոխում են բանկային փորձառությունը. մանրամասները՝ ABNews.am կայքում
Իտալիայի ՀՆԱ-ն 2025-ի առաջին եռամսյակում աճել է 0.3%-ով
Հարկերից խուսափելու 3 դեպքով պետությանը պատճառվել է 179 միլիոն դրամի վնաս
Nvidia-ի եկամուտն աճել է 12%-ով
2024թ. հունվար-մարտին Հայաստանում կոնյակի արտադրությունը կրճատվել է 39.4%-ով
«Խելացի ականջակալը» փոխարինելու է սմարթֆոնին. OpenAI-ի գաղտնի զենքը. մանրամասները՝ ABNews.am կայքում
ՀՀ տնտեսական ակտիվության աճի տեմպը մնում է ցածր մակարդակում. «ԼՈՒՅՍ» հիմնադրամ. մանրամասները՝ ABNews.am կայքում
Սարդարապատի բիզնես դասերը՝ ինչպես հաղթեցինք 1918-ին և ինչ կարող ենք անել 2025-ին. մանրամասները՝ ABNews.am կայքում
Մայիսի 1-ի դրությամբ Հայաստանից հեռացել է 12,000 արցախցի
Tesla-ի վաճառքները ԵՄ-ում ապրիլին նվազել են 52.6%-ով
2025թ. հունվար-ապրիլին Հայաստանում արտահանումը նվազել է 60․4%-ով
Հայաստանի պետական պարտքը ապրիլի վերջի դրությամբ կազմում է 13.6 մլրդ դոլար
Իրանում 4.9 մագնիտուդով երկրաշարժ է տեղի ունեցել
5 միլիարդ դոլարի անկում. ինչու է Հայաստանի առևտուրը կրճատվում այս տեմպերով. մանրամասները՝ ABNews.am կայքում
Որ ոլորտներն են այսօր Հայաստանի տնտեսությունը տանում առաջ. մանրամասները՝ ABNews.am կայքում
Ֆրանսիան նախատեսում է հյուպատոսական բաժին բացել Գորիսում
ԱրարատԲանկը՝ Wonder Kid Academy-ի աստղագիտական լաբորատորիայի ստեղծման աջակից. դիտեք ABNews.am կայքում
Ucom-ի աջակցությամբ անցկացվեց միջազգային դրոնների «Mini Whoop Drone Racing 2025»  մրցարշավ. մանրամասները՝ ABNews.am կայքում
Կոնվերս Բանկը դրամային պարտատոմսեր է տեղաբաշխում. մանրամասները՝ ABNews.am կայքում
Թրամփը ԵՄ-ից ներմուծվող ապրանքների 50% մաքսատուրքերը հետաձգել է մինչև հուլիսի 9-ը

Զորակոչից խուսափելու համար պատիժները կխստացվեն. ինչ է առաջարկում կառավարությունը. մանրամասներ

Ապր 3, 2025 16:30
118

1. Կառավարությունը հաստատել է ավելի քան 525 մլն դրամի ֆինանսավորում դպրոցների նորոգման և մանկապարտեզների գույքով ապահովման համար

ՀՀ կառավարությունը հաստատել է ավելի քան 525 մլն դրամի հատկացում մի շարք դպրոցների նորոգման, գազիֆիկացման և հեղինակային հսկողության ծառայությունների համար։ Այս միջոցները կուղղվեն Շիրակի, Լոռու, Կոտայքի, Տավուշի, Սյունիքի, Վայոց ձորի մարզերի և Երևանի դպրոցներին։

Կառավարության որոշմամբ 168.8 մլն դրամ կհատկացվի Ազատանի միջնակարգ դպրոցի տարրական մասնաշենքի նորոգման աշխատանքների համար։ 310.5 մլն դրամը կօգտագործվի 82 դպրոցի տեխնիկական զննության, չափագրության և նախահաշվային փաստաթղթերի մշակման համար։ Բացի այդ, 22.4 մլն դրամ կհատկացվի նորոգվող 21 դպրոցում հեղինակային հսկողության ծառայությունների համար։

Ծրագրի շրջանակում նախատեսվում է նաև 21.8 մլն դրամի հատկացում Լոռու մարզի 14 մանկապարտեզների գույքով ապահովման համար։ Երևանի թիվ 33 դպրոցի մարզադահլիճի գազիֆիկացման համար նախատեսվում է 1.9 մլն դրամ։

Վարչապետ Նիկոլ Փաշինյանը նշել է դպրոցների հիմնանորոգման կարևորությունը՝ շեշտելով, որ որոշ շենքերի դեպքում մասնագետները խորհուրդ են տալիս նոր կառուցել։ Փոխվարչապետ Տիգրան Խաչատրյանը վստահեցրել է, որ 80-100 դպրոցների նորոգումը կավարտվի տարեվերջին։

2. Տնօրեն դառնալու բազմակի փորձերը կարգավորվում են. կառավարությունը փոփոխություններ է առաջարկում

Կառավարությունը որոշում է կայացրել վերանայել տնօրենների ընտրության և նշանակման կարգը՝ լուծելու նոր ձևաչափով իրականացվող գործընթացում առաջացած խնդիրները:

Փոփոխությունները վերաբերում են մասնագիտական զարգացմանն ուղղված ծրագրերի իրականացման և գնահատման գործընթացի բարեփոխումներին։ Նախատեսվում է առանձնացնել զարգացման ծրագրի բովանդակության և ինքնուրույն աշխատանքի բաղադրիչները՝ ապահովելով ավելի արդար գնահատման համակարգ:

Վարչապետ Նիկոլ Փաշինյանը նշել է, որ ՀՀ-ում առկա է կադրային ճգնաժամ, ինչը անդրադառնում է տնօրենների ընտրության արդյունավետության վրա։ Նա առաջարկել է կազմակերպել նախապատրաստական դասընթացներ հավակնորդների համար՝ նախքան տնօրենի մրցույթին մասնակցելը:

Նոր կարգավորումները թույլ կտան ապահովել կրթության որակի շարունակական բարձրացում և խուսափել պետական բյուջեի անարդյունավետ ծախսերից՝ կապված բազմակի դիմումների հետ:

3. Աջակցություն՝ Լոռու մարզի Աշոտաբերդ թաղամասի հրդեհից տուժած բնակիչներին

2025 թ. փետրվարի 8-ին Լոռու մարզի Ստեփանավան համայնքի Աշոտաբերդ թաղամասի N 8 բազմաբնակարան շենքում տեղի ունեցած հրդեհից տուժած բնակիչների համար Կառավարությունը որոշում է կայացրել ցուցաբերել ֆինանսական աջակցություն:

Հատկացված միջոցները և աջակցման նպատակները

Լոռու մարզպետի աշխատակազմին կտրամադրվի 24,915.7 հազար դրամ՝ 16 շահառու ընտանիքների համար: Աջակցությունը կներառի առաջին անհրաժեշտության պարենային և ոչ պարենային ապրանքների ձեռքբերում, հյուրանոցային ծառայությունների փոխհատուցում, կենցաղային գույքի ձեռքբերում և վարձակալած բնակարանների վարձավճարների ֆինանսավորում:

4. Նոր կարգավորում՝ ենթակառուցվածքների բարելավման համար

Կառավարությունը փոփոխություններ է կատարել պետբյուջեից տրամադրվող սուբսիդիաների տրամադրման կարգում: Նպատակը ենթակառուցվածքային ծրագրերի ֆինանսավորման մեխանիզմների բարելավումն է:

Սուբսիդիաների նոր մեխանիզմ

Առաջարկվող կարգավորումը հնարավորություն կտա պետությանը սուբսիդավորել ներդրումային նախագծերի ենթակառուցվածքային բաղադրիչները, որոնք ուղղակիորեն ազդում են արտադրության մակարդակի վրա: Սա ներառում է ճանապարհների, ջրագծերի կառուցման և այլ ենթակառուցվածքային ծախսերի փոխհատուցումը:

Ներդրումների խթանում և պետական աջակցություն

Ներդրողներն իրենց միջոցներով կիրականացնեն ենթակառուցվածքային աշխատանքներ, իսկ պետությունը կտրամադրի ծախսերի փոխհատուցում սուբսիդիայի ձևով: Ակնկալվում է, որ նոր կարգավորումները կնպաստեն ներդրումային նախագծերի ակտիվացմանը և ենթակառուցվածքների զարգացմանը, միաժամանակ ապահովելով պետական աջակցության հստակ և թափանցիկ մեխանիզմներ:

5. Կառավարությունը վերանայում է կենսաթոշակային օրենսդրությունը

Հստակեցվել է կուտակային կենսաթոշակի ստացման հիվանդությունների ցանկը
Կառավարությունը փոփոխություններ է կատարել «Կուտակային կենսաթոշակների մասին» օրենքում՝ վերանայելով հիվանդությունների (վիճակների) ցանկը, որոնք թույլ են տալիս ստանալ կուտակային կենսաթոշակը նախքան կենսաթոշակային տարիքը լրանալը: Հստակեցվել են սրտային անբավարարության, նյարդային համակարգի պրոգրեսիվող հիվանդությունների և նորագոյացությունների դեպքերը, երբ հնարավոր կլինի միանվագ ստանալ կուտակային հատկացումները:

6. Կկրճատվեն գործարար միջավայրի համար համապատասխանության գնահատման ծախսերը

Ներմուծվող արտադրանքի գնահատման կարգը պարզեցվում է
Գործադիրը սահմանել է ներմուծվող պարենային արտադրանքի համապատասխանության գնահատման նոր կարգեր, ինչը կկրճատի գնահատման համար պահանջվող ժամանակը և ֆինանսական ծախսերը: ԵԱՏՄ անդամ չհանդիսացող երկրներից ներմուծման դեպքում արտադրանքը պահվում է մաքսային պահեստում՝ մինչ համապատասխանության փաստաթղթի ապահովումը:

7. Օրենսդրական խստացումներ՝ զորակոչից խուսափելու դեպքերի համար

Պատիժները խստացվում են՝ նվազեցնելու զորակոչից խուսափելու դեպքերը
Կառավարությունը փոփոխություններ է առաջարկում ՀՀ քրեական օրենսգրքում՝ խստացնելով պատիժները զորակոչից և վարժական հավաքներից խուսափելու համար: Նոր նախագծով առաջարկվում է ազատազրկման ժամկետը փոխարինել ավելի խիստ պատիժներով՝ 461-րդ հոդվածով սահմանված երկուից հինգ տարվա փոխարեն սահմանելով երեքից վեց տարի, իսկ 462-րդ հոդվածով նախատեսված տուգանքը սահմանելով տասնհինգապատիկից երեսնապատիկի չափով:

8. Կոտայքի մարզում՝ 5-րդ սերնդի ապակե ջերմատուն

Կառավարության որոշմամբ «ՊԻՈՆ» ՍՊԸ-ն հնարավորություն է ստացել օգտվել գերակա ոլորտում ներդրումային ծրագրի շրջանակում մաքսատուրքից ազատման արտոնությունից։ Ընկերությունը Կոտայքի մարզի Ալափարս գյուղում հիմնելու է 4 հա մակերեսով 5-րդ սերնդի ապակե ջերմատուն, որտեղ աճեցվելու են բարձրորակ վարդեր և պիոներ։ Նախատեսվում է իրականացնել 3 մլրդ դրամի ներդրում, ստեղծել 60 նոր աշխատատեղ՝ 270 հազար դրամ միջին աշխատավարձով։ Մաքսատուրքից ազատման արտոնությունը գնահատվում է 73.6 մլն դրամ։

9. Ոռոգման համակարգերի արդիականացման նոր փուլ

Կառավարությունը հաստատել է «Աջակցություն ոռոգման համակարգերի հիմնանորոգմանը» միջոցառման արտաբյուջետային հաշվի միջոցների ծախսման նախահաշիվը։ Արդիականացմանն ուղղված ներդրումները կներառեն Ստորին Հրազդանի և Արզնի-Շամիրամ ջրանցքների հիմնանորոգումը։ Արդյունքում կբարձրացվի ոռոգման համակարգերի հուսալիությունը և կխնայվեն Սևանա լճի ջրերը։

10. Առողջապահության որակի բարելավում՝ ԱԶԲ-ի վարկային աջակցությամբ

Կառավարությունը հավանություն է տվել Հայաստանի և Ասիական զարգացման բանկի միջև վարկային համաձայնագիրը վավերացնելու մասին օրենքի նախագծին։ Վարկային ծրագրի շրջանակում նախատեսվում է ներգրավել 45.3 մլն եվրո՝ առողջապահական ծառայությունների որակի բարելավման, հեռաբժշկության զարգացման և էլեկտրոնային առողջապահության գործիքների կիրառման ուղղությամբ։

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: