«Մի դրամի ուժի» հետ համագործակցությամբ`  Տաշիրի մշակույթի տանը կայացավ «Դեմ Առ Դեմ․ Սերունդների երկխոսություն  մարզային ֆորում»-ը։   Գլխավոր հովանավորներն այս տարի IDBank և Իդրամ ընկերություններն էին՝ «Մի դրամի ուժ»-ը կորպորատիվ սոցիալական պատասխանատվության ծրագրով։ Նախաձեռնության հեղինակը «Մարզերի երեխաները մարզերում» սոցիալ-կրթական ՀԿ-ն է, որի նպատակն է ստեղծել հայրենատեր, կիրթ, ամուր արժեհամակարգով առաջնորդների ապակենտրոն համայնք՝ հանուն Հայաստանի համաչափ զարգացման։ IDBank և Իդրամ ընկերությունների հաղորդակցության և սոցիալական պատասխանատվության ծրագրերի վարչության ղեկավար Տաթևիկ Վարդևանյանն իր խոսքում նշեց, որ ամեն ինչ սկսվում է անհատներից ու «Մի դրամի ուժի» համար առանձնահատուկ կարևորություն ունեն մարզային երիտասարդությանը և առհասարակ երիտասարդ սերնդին կրթող, առաջնորդական հմտություններ սովորեցնող, նոր հորիզոններ ստեղծող ծրագրերը: Ֆինանսական բաղադրիչից բացի, IDBank և Իդրամ ընկերությունները ֆորումին միացել են նաև կրթական ծրագրով, որի շրջանակում ավելի քան 150 երիտասարդ Հայաստանի բոլոր մարզերից մասնակցել է ֆինանսական գրագիտության օնլայն սեմինարների, որոնց ամենաակտիվ մասնակիցները Իդրամ և IDBank ընկերությունների կողմից արժանացան խորհրդանշական նվերների։ «Մի դրամի ուժի» թիմը նաև ստանձնել է ֆորումի խոսնակներից արցախցի Սվետլանա Մովսիսյանի ելույթի մենթորությունը։ Սվետլանան Արցախի կորստի ցավի, անցած դժվարին ուղու և վերածնվելու  մասին իր պատմությամբ հուզեց  ներկաներին և միաժամանակ ոգևորեց իր ուժեղությամբ ու ապագայի տեսլականով։ Ֆորումի ընթացքում երկրորդ գլխավոր գործընկեր՝ Ucom ընկերության գլխավոր տնօրեն Ռալֆ Յիրիկյանը վարեց պանելային քննարկում, որի  բանախոսները նախորդ տարվա  <<ԴԵմ Առ ԴԵՄ>>-ի լավագույն խոսնակներն էին։ Միջոցառման ավարտին ֆորումի մասնակից բոլոր պատանի խոսնակներն Իդրամ և IDBank ընկերությունների կողմից արժանացան 50 000 դրամի չափով idcoin-ների։ Հիշեցնենք, որ ֆորումի մասնակցությունն այս տարի բացառապես տոմսերով էր, որոնք ունեին խորհրդանշական գին՝ ընդամենը 1 դրամ։ Կազմակերպիչներն այսկերպ նպատակ են ունեցել ցույց տալու, թե որքան կարևոր ու մեծ ուժ կարող են դառնալ մեկ դրամները, երբ համատեղվում են․ չէ՞ որ IDBank-ն ու Իդրամը յուրաքանչյուր վճարումից իրենց սեփական միջոցներից մեկ դրամ են հատկացնում «Մի դրամի ուժը» նախաձեռնությանը։ https://youtu.be/F8tVweudCVM <<Դեմ Առ Դեմ>>․ Սերունդների երկխոսություն մարզային ֆորումը եզրափակվեց «Լավ էլի» խմբի համերգով։   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: