Ռուսական առաջին լյուքս դասի ամենագնացը
Արտադրության է պատրաստվում ռուսական առաջին լյուքս դասի ամենագնացը։ Մեքենան հասարակությանը կներկայացվի այս ամռան վերջին։ Aurus-ն արդեն արտադրում է Senat սեդանը, որի զրահապատ տեսակից է օգտվում ՌԴ նախագահ Վլադիմիր Պուտինը: Aurus Komendant-ը կդառնա պրեմիում դասի ամենախոշոր և ծանր ամենագնացը։ Մոդելը մի փոքր մեծ է Toyota Land Cruiser 300-ից և չափերով համադրելի է Cadillac Escalade-ի հետ: Մեքենայի քաշը 3,235 կգ է։ Komendant-ի մեկնարկային գինն է 32-35 մլն ռուբլի։
Ford-ը ներկայացրել է էքստրեմալ F-150 Raptor-ը
Ford-ը ներկայացրել է F-150-Raptor-ի ամենահզոր մոդիֆիկացիան R նշումով: Պիկապն ունի 5,2 լիտր ծավալով V8 շարժիչ, որը նորացվել է, որպեսզի հարմարեցվի վատ ճանապարհներին եւ բարձրացվի արտադրողականությունը միջին արագություններում: Վիզուալ տարբերությունները համեստ են. R տարբերակն ունի սեւ բամպերներ եւ անվադողային շրջանակներ, հատուկ մասեր ռադիատորի վանդակին, թափքի եւ բեռնային պլատֆորմի վրա: Սրահում, որը զարդարված է կարբոնային դետալներով, Recaro նստատեղերն են սեւ բնական կաշվից: Ford F-150 Raptor R-ի գինը սկսվում է 109 145 դոլարից:
Bugatti EB 110-ը աճուրդի կհանվի
Այս տարվա օգոստոսի վերջին Gooding & Company աճուրդի տունը աճուրդի կհանի ամենահազվագյուտ սուպերքարը` Bugatti EB 110-ը? Super Sport կատարմամբ: Արտադրության հինգ տարվա ընթացքում ֆրանսիացի ինժեներներն արտադրել են ընդամենը 139 բացառիկ սուպերքար, որոնցից 30-ը Super Sport մոդիֆիկացում են ստացել:Bugatti EB 110-ը թողարկվել է 1991 թ.՝ ի պատիվ ընկերության հիմնադիր Էտտորե Բուգատիի 110-ամյակի: Արտադրության հինգ տարվա ընթացքում հավաքվել է 139 օրինակ, որից 30-ը հավաքվել է Super Sport մոդիֆիկացմամբ:
H&M ընկերությունը հայտարարել է Ռուսաստանից հեռանալու մասին
Ռուսաստանում վաճառքը դադարեցնելու որոշում է ընդունել H&M Group-ը: Իսկ դա նշանակում է, որ H&M-ի բոլոր խանութները, ֆիզիկականները եւ ինտերնետ-խանութները, կփակվեն մինչեւ հաջորդ ծանուցում: Շվեդական ընկերության գլխավոր տնօրեն Հելենա Հելմերսոնը հայտարարել է, որ H&M-ն անհնար է համարում ներկա պայմաններում աշխատանքը ՌԴ-ում շարունակելը:
Huawei-ը վերսկսել է իր գաջեթների մատակարարումները Ռուսաստան
Huawei-ը վերսկսել է սմարթֆոնների և այլ գաջեթների մատակարարումները Ռուսաստան: Աղբյուրներում նշվում է, որ երկու շաբաթվա ընթացքում Huawei-ի արտադրանքը հայտնվում է ընկերության, նաեւ գործընկերների կայքերում: Huawei-ի ներկայացուցիչները չեն մեկնաբանում այս իրավիճակը: Հիշեցնեմ, որ դեռ հունիսի սկզբին ընկերությունը հայտարարել էր Ռուսաստանում իր պաշտոնական կետերի փակման մասին: Սկզբում արտադրողի 19 խանութներից միայն չորսն են դադարեցրել իրենց աշխատանքը:
Հայտնի ստարտափը ներկայացրել է սմարթֆոնի առաջին մոդելը
OnePlus-ի նախկին համահիմնադիր Կարլ Պեյը ներկայացրել է Nothing ապրանքանիշի սմարթֆոնի առաջին մոդելը: Սարքը նախագծված է հնացած, բայց պահանջարկ ունեցող տեխնոլոգիաների կիրառմամբ, այն սկզբունքորեն չի գործածում ոչ մի նոր եւ թանկարժեք բան: Եվ նաեւ այն աշխատում է սեփական Nothing OS-ով, որը հանդես է գալիս որպես մաքուր Androidե առանց ավելորդ բայթի: Nothing Phone-ը նախատեսված չէ ժամանակակից մոդելների հետ մրցելու համար, ուստի այն հիմնված է 778G+ ութամիջուկ պրոցեսորի, Adreno գրաֆիկական մոդուլի եւ Hexagon AI չիպի վրա: Հեռախոսն ունի ընդամենը երկու տեսախցիկ, երկուսն էլ՝ 50 մեգապիքսելանոց: Գինը մոտ 475 դոլար է, Nothing-ը կսկսի վաճառվել հուլիսի 21-ից:
WhatsApp-ի օգտատերերը զգուշացրել են հարթակի վտանգավոր կրկնօրինակների մասին
WhatsApp-ի գործադիր տնօրենը զգուշացրել է մեսենջերի օգտատերերին հարթակի վտանգավոր կրկնօրինակների տարածման մասին Android սմարթֆոնների հայտնի հավելվածների շրջանում: Ըստ Հավելվածի հայտնիությունը կիբերհանցագործների համար գրավիչ թիրախ է դարձրել այն: Հավելվածի վտանգավոր կրկնօրինակների միջոցով կիբերհանցագործները փորձում են գողանալ տվյալներ կամ կոտրել օգտատերերի սմարթֆոնները: Նա օգտատերերին հորդորել է հավելվածը ներբեռնելիս ուշադիր լինել Google Play-ից դուրս, քանի որ վտանգավոր տարբերակները հենց այդպես են տարածվում:
Mars-ին դատի են տվել վտանգավոր Skittles արտադրելու համար
Սպառողների խումբը դատի է տվել Mars շոկոլադ արտադրող ընկերությանը պնդելով, որ Skittles տեսակի շաքարները պարունակում է այնպիսի նյութ, որը դրանք դարձնում է ուտելու համար ոչ պիտանի: Հայցում նաեւ ասվում է, որ տիտանի երկօքսիդը հաջորդ ամիս կարգելվի Եվրամիության տարածքում, քանի որ սննդամթերքի անվտանգության կարգավորող մարմինը այն համարել է վտանգավոր: Mars Inc ընկերությունը տիտանի երկօքսիդն գործածում է Skittles շաքարների արտադրության համար: 2016 թվականին ընկերությունը խոսել է այն արտադրության ծրագրից հանելու մասին, սակայն առ այսօր շարունակում է գործածել: Փոխարենը տիտանի երկօքսիդն օգտագործվում է ներկերի, սոսինձների, պլաստիկի եւ տանիքի նյութերի արտադրության ոլորտում եւ կարող է վնասել ԴՆԹ-ը, ուղեղն ու ներքին օրգանները, այդ թվում լյարդն ու երիկամները:
Եվրոպայում ավտոմեքենաների վաճառքն ընկել է եւ հայտնվել 1996 թվականից ի վեր ամենացածր մակարդակի վրա
Եվրոպայում ավտոմեքենաների վաճառքն ընկել է եւ հայտնվել 1996 թվականից ի վեր ամենացածր մակարդակի վրա: Հունիսին Եվրոպայի նոր մարդատար մեքենաների վաճառքը կազմել է 1,06 միլիոն մեքենայից մի փոքր ավելի, իսկ որոշ ավտոարտադրողների վաճառքները նվազել են գրեթե 50 տոկոսով: Volkswagen Group-ը եղել է ամենաշատ տուժած խոշոր ավտոարտադրողը, որի վաճառքը նախորդ տարվա հունիսի համեմատ նվազել է մոտ մեկ քառորդով: Հունիսին Volvo-ի վաճառքը նվազել է 47,9 տոկոսով, մինչդեռ Jaguar Land Group-ը հունիսին գրանցել է ավելի քիչ անկում 13,2 տոկոս: Խոշոր ավտոարտադրողները BMW-ից մինչեւ Stellantis, հայտնել են, որ վերջին շաբաթների ընթացքում աշխարհում վաճառքն անկում է ապրել:
Եթե գնաճը հանդարտվի, մենք կարող ենք նվազեցնել մեքենաների գինը
Tesla ընկերության գործադիր տնօրեն Իլոն Մասկը հայտարարել է, որ կարող է նվազեցնել մեքենաների գինը, եթե գնաճը հանդարտվի: Reuters լրատվական գործակալությունը հիշեցնում է, որ մեքենաների գները բարձրացել էին համաճարակն ու մատակարարման խնդիրները հաղթահարելու նպատակով; Հիշեցնենք, որ Teslan վերջին ամիսներին բարձրացրել էր մեքենաների գինը, ինչը պայմանավորված էր հումքի համար կարեւոր նյութերի գնաճով նաեւ:Աշխարհի ամենահարուստ մարդը համարվող Մասկը վերջին շաբաթներին զգուշացրել է ռեցեսիայի ռիսկի մասին`նշելով, որ տնտեսության վերաբերյալ շատ վատ զգացողություն ունի:
24 679 ադամանդներով մատանին հայտնվել է Գինեսի ռեկորդների գրքում
Հնդկական ոսկերչական SWA Diamonds ընկերությունը սահմանել է Գինեսի ռեկորդ ՝ մեկ մատանու վրա տեղադրելով 24 679 ադամանդ: Մատանին, որը կոչվում է Ամի, ինչը սանսկրիտից թարգմանաբար նշանակում է անմահություն: Մատանին ունի սնկի տեսք: Մոտ 340 գրամ կշիռ ունեցող մատանին SWA Diamonds-ը գնահատել է 95 243 դոլար:
Գտնվել է Վան Գոգի թաքնված ինքնանկարը՝ ամբողջական ականջով
Շոտլանդիայի Ազգային պատկերասրահում հայտնաբերել են նախկինում անհայտ, Վինսենթ Վան Գոգի թաքնված ինքնանկարը: Հայտնում է Planet Today-ը: Վինսենթ Վան Գոգի Գյուղացի կնոջ գլուխը նկարի ռենտգենյան ճառագայթման ընթացքում փորձագետները սոսինձի եւ ստվարաթղթի շերտերի տակ գտել են նրա ինքնանկարը՝ կտավի հակառակ կողմում, այժմ նման ուսումնասիրություններն ավելի դյուրին են: Մասնագետերը կարծում են, որ թաքնված ինքնանկարը նկարվել է Վան Գոգի ստեղծագործական կարիերայի առանցքային շրջանում, երբ նա Փարիզ տեղափոխվելուց հետո տեսել է ֆրանսիացի իմպրեսիոնիստների աշխատանքները: Այդ ընթացքում Վան Գոգը հաճախ է օգտագործել նույն կտավները եւ նկարել դրանց հետեւի մասում? փող խնայելու նպատակով:
