Թուրքիայի սպասվող գործողության թիրախում Թել Ռիֆաթ և Մանբիջ քաղաքներն են, որոնք վերահսկվում են ԱՄՆ հովանու տակ գտնվող քրդական ուժերի կողմից: Գրավելով դրանք Թուրքիան փորձում է վերահսկողության հաստատել 90 կմ երկարությամբ միջանցքի վրա: Գործողության հետագա ընթացքը, մյուս թիրախները, ըստ էության, պարզ է դառնալու տարածաշրջանային դերակատարների արձագանքից:
Սիրիայում ԱՄՆ դաշնակից համարվող քրդական ուժերը հայտարարել են, որ թուրքական հնարավոր ներխուժման դեմ պայքարելու են Սիրիայի իշխանությունների հետ միասին: Սա թերևս Դամասկոսի համար Թուրքիայի կողմից իր սուվերեն տարածքը խախտելու միակ դրական կողմն է: Միացյալ Նահանգների հետ համագործակցող քրդական ուժերը վերահսկում են Սիրիայի տարածքի բնական ռեսուրսներով հարուստ զգալի հատվածը: Թուրքական սպառնալիքն ինքնավարության ձգտող և պաշտոնական Դամասկոսին լուրջ ընդդիմություն հանդիասցող քրդերի ստիպում է համագործակցել Ասադի հետ: ենթադրվում է, որ արդյունքում քրդերը որոշակիորեն կմեղմեն պաշտոնական Դամասկոսի նկատմամբ իրենց դիրքորոշումը:
Մեկնաբանություն