Սպիտակ տունը նոր կանխատեսմամբ կրճատել է ԱՄՆ բյուջեի ակնկալվող դեֆիցիտը ԱՄՆ նախագահի վարչակազմը վերանայել է 2022 թվականի ֆինանսական տարվա կանխատեսվող բյուջեի դեֆիցիտը մինչեւ $1,032 տրիլիոն։ Դա $383 միլիարդով պակաս է մարտին կանխատեսվածից։Այս տարվա չորրորդ եռամսյակում Սպիտակ տունը նաեւ կանխատեսում է ՀՆԱ իրական աճը 1,4%՝ մարտի կանխատեսման 3,8%-ի դիմաց։ Բյուջեի վերանայումն արտացոլում է եկամուտների աճը, ծախսերի աննշան կրճատումը եւ առողջապահական ծախսերի որոշ տեխնիկական վերագնահատումներ: Վերանայման վրա ազդել են նաև Համախմբված հատկացումների մասին օրենքը եւ Ուկրաինային $30 միլիարդ լրացուցիչ ծախսերի մասին օրինագիծը: Միեւնույն ժամանակ, նոր կանխատեսումը չի ներառում $52 միլիարդի կիսահաղորդիչների եւ հետազոտությունների սուբսիդավորման օրենքը, նաեւ՝ $430 միլիարդի փաթեթ՝ ներառյալ հարկերի բարձրացումը, առողջապահության եւ մաքուր էներգիայի ոլորտներում ներդրումները: