Բելառուսը երկարաձգել է հացահատիկի արտահանման արգելքը, այդ թվում՝ ԵԱՏՄ Բելառուսը վեց ամսով երկարաձգել է երկրից հացահատիկի հիմնական տեսակների արտահանման արգելքը, սահմանափակումները վերաբերում են նաեւ ԵԱՏՄ երկրներին։ Նախարարների խորհրդի համապատասխան որոշումն այսօր հրապարակվել է Ազգային իրավական պորտալում, փոխանցում էՏԱՍՍ-ը։ «Ժամանակավոր արգելք սահմանել Բելառուսի Հանրապետությունից դուրս՝ ԵԱՏՄ անդամ պետություններ, ապրանքների արտահանման համար՝ համաձայն հավելվածի, անկախ ծագման երկրից, ինչպես նաեւ Բելառուսի Հանրապետությունում մաքսային տարածքից դուրս՝ ԵԱՏՄ անդամ չհանդիսացող պետություններ»,- ասված է որոշման մեջ։ Արգելքը վերաբերում է ցորենի, տարեկանի, գարու, վարսակի, եգիպտացորենի, հնդկաձավարի, կորեկի, տրիտիկալեի, այլ հացահատիկների, մանրացված հացահատիկի, ինչպես նաեւ կանճրակի, արեւածաղկի սերմերի, ճակնդեղի ջրքամի, կոպտոնի, կանճրակի կամ կոլզայի սերմերից շրոտի արտահանմանը։ Միաժամանակ, բացառություն է արվում մարդասիրական օգնության եւ տարանցիկ փոխադրումների համար։