Տեղական լուրեր
Կառավարությունը հավանություն է տվել ԵՄ հարկային և մաքսային ծրագրերին մասնակցությանը
ՀՀ կառավարությունը հավանություն է տվել 2027 թվականին Եվրոպական միության Մաքսային (39,991 եվրո անդամակցության վճար) և Հարկային (36,528 եվրո) ծրագրերին Հայաստանի մասնակցության համաձայնագրերի ստորագրմանը:
Հաստատվել է 63-72 տարեկան քաղաքացիների տնտեսական ակտիվացման ծրագիրը
Ավագ տարիքի քաղաքացիների ձեռնարկատիրական նախաձեռնություններին աջակցելու նոր ծրագրով մինչև 200 շահառուի կտրամադրվի մինչև 2 միլիոն դրամի նպատակային ֆինանսավորում՝ ձեռնարկատիրական ուսուցումն անցնելուց հետո:
Բնակարանային ապահովման ծրագիր՝ 6 և ավելի երեխա ունեցող ընտանիքների համար
6 և ավելի անչափահաս երեխա ունեցող 643 ընտանիքների համար սահմանվել է հիփոթեքային վարկի 100% պետական սուբսիդավորում. յուրաքանչյուր երեխայի հաշվով տրամադրվում է 4 մլն դրամ (գյուղական բնակավայրերում՝ լրացուցիչ 4 մլն դրամ):
Հաստատվել է Ֆիզիկական արհեստական բանականության յոթամյա ծրագիրը
Ռոբոտատեխնիկան և ԱԲ-ն համադրող 7-ամյա ծրագրի ընդհանուր բյուջեն կկազմի 4.828 մլրդ դրամ (առաջին տարում՝ 168.4 մլն դրամ)՝ նպատակ ունենալով պատրաստել շուրջ 330 մասնագետ և Հայաստանը դարձնել տարածաշրջանային հետազոտական կենտրոն:
Միացյալ Թագավորությունը սահմանել է ինքնավար առևտրային միջոցներ հայկական ապրանքների նկատմամբ
ՄԹ-ն հայկական ծագման ապրանքների (թարմ մրգեր, չորամրգեր, կանաչեղեն, համեմունքներ, խմիչքներ) արտահանման համար սահմանել է զրոյական մաքսատուրքով արտոնյալ ռեժիմ:
Միջազգային լուրեր
ԵՄ-ն դիտարկում է Վրաստանի հետ առանց վիզայի ռեժիմի չեղարկման հնարավորությունը
ԵՄ արտաքին գործերի բարձր ներկայացուցիչ Կայա Կալասը հայտարարել է, որ ժողովրդավարական սկզբունքներից նահանջի պատճառով ԵՄ-ն դիտարկում է Վրաստանի հետ առանց վիզայի ռեժիմի չեղարկումը. հունվարին կքննարկվեն հետագա քայլերը:
Ֆրանսիայի Ազգային ժողովը միաձայն մերժել է 2027 թվականի պետական բյուջեի նախագիծը
Ֆրանսիայի խորհրդարանը առաջին ընթերցմամբ միաձայն տապալել է 2027 թ. պետական բյուջեի օրինագիծը, ինչն ընթացակարգի համաձայն նշանակում է ամբողջ փաստաթղթի մերժում:
Ոսկու գինը Comex բորսայում գերազանցել է 4,150 դոլարի շեմը
2026 թ. դեկտեմբերյան ոսկու ֆյուչերսների գինն աճել է 5.39%-ով՝ հասնելով 4,152.9 դոլարի՝ մեկ տրոյական ունցիայի դիմաց, ինչն արտացոլում է ապահով ակտիվների նկատմամբ ներդրողների բարձր պահանջարկը:
Saudi Aramco. Նավթի պաշարների վերականգնման համար կպահանջվի մինչև երկու տարի
Saudi Aramco-ի գնահատմամբ՝ Մերձավոր Արևելքի հակամարտության հետևանքով սպառված նավթի ու հատկապես դիզելային վառելիքի համաշխարհային պաշարների վերականգնումը կարող է տևել շուրջ երկու տարի:
