Երևանը 2026-ին կգնի 69 միավոր հատուկ տեխնիկա

Քաղաքային իշխանությունների գնահատմամբ՝ տեխնիկայի թարմացումը կբարձրացնի ծառայությունների արդյունավետությունն ու օպերատիվությունը։

Երևանի քաղաքապետարանը 2026 թվականին նախատեսում է ձեռք բերել մոտ 69 միավոր հատուկ տեխնիկա՝ սանմաքրման և աղբահանության ծառայությունները բարելավելու նպատակով։ Այս մասին նշվել է մարտի 16-ին կայացած քաղաքապետարանի գործակարգավարական խորհրդակցության ընթացքում։

Քաղաքային իշխանությունների գնահատմամբ՝ տեխնիկայի թարմացումը կբարձրացնի ծառայությունների արդյունավետությունն ու օպերատիվությունը։

Միաժամանակ ներկայացվել է նաև տրանսպորտային ենթակառուցվածքների արդիականացման ընթացքը։ Երևանում տրոլեյբուսների էլեկտրամատակարարումն իրականացվում է 23 ենթակայանների միջոցով։ 2025 թվականին ներդրված թվային նոր համակարգը թույլ է տալիս մեկ կենտրոնից հեռավար վերահսկել և կառավարել ենթակայանների աշխատանքը, հետևել տեխնիկական պարամետրերին և ապահովել անվտանգության վերահսկողություն։

Քաղաքապետարանում նշում են, որ համակարգի ներդրման շնորհիվ տարեկան կխնայվի շուրջ 100 մլն դրամ։