Պատրաստ ենք ընդլայնելու համագործակցությունն այն ոլորտներում, որտեղ ՀՀ-ն կարողանում է արժեք ավելացնել. ԵԱՀԿ նախագահ

Որպես ԵԱՀԿ գործող նախագահ՝ ուզում եմ ասել, որ մենք մեծապես գնահատում ենք ձեր երկարաժամկետ նվիրվածությունը և հավատարմությունն այս կազմակերպությանը:

Ջերմորեն ողջունում եմ ձեզ այս հույժ կարևոր քայլերի համար, որ կատարվել են Ադրբեջանի հետ խաղաղության ուղղությամբ, մասնավորապես՝ օգոստոսի 8-ի համաձայնության համար, որ տեղի ունեցավ Վաշինգտոնում: Այդ մասին ՀՀ ԱԳ նախարար Արարատ Միրզոյանի հետ համատեղ մամուլի ասուլիսի ժամանակ ասաց Ֆինլանդիայի ԱԳ նախարար Էլինա Վալտոնենը:

«Մենք պարբերաբար նկատում ենք Հայաստանի աջակցությունը խաղաղության օրակարգին՝ անկախ մարտահրավեր և խոչընդոտ համարվող հանգամանքներից, ինչպես նաև այդ համատեղ դիմումն եմ ողջունում՝ Մինսկի խումբը փակելու: Հուսանք, որ այս գործընթացը կփակվի դեկտեմբերից ոչ ավելի ուշ:

ԵԱՀԿ-ն պատրաստ է շարունակել և ընդլայնել համագործակցությունն այնպիսի ոլորտներում, որտեղ Հայաստանը կարողանում է արժեք ավելացնել, ինչպես նաև ԵԱՀԿՆ-ն է կարողանում արժեք ավելացնել:

Հույժ կարևոր է խաղաղության այս գործընթացն ամրապնդել՝ շարունակական բնույթ տալով խոստումնալից այն քայլերին, որոնք արդեն իսկ կայացված են՝ ստորագրելով համաձայնագիրը և կարգավորելով հարաբերությունները, որպեսզի կայուն խաղաղություն լինի այս տարածաշրջանում: Այս է այն ուղերձը, որ մենք բոլոր կողմերին ենք ներկայացնում: Պատրաստ ենք սատարել և աջակցել ձեզ ձեր ջանքերում»,- ասաց նա: