Թրամփը նոր 25% մաքսատուրք է սահմանում՝ մեծ բեռնատարների վրա

ԱՄՆ նախագահ Դոնալդ Թրամփը հայտարարել է, որ նոյեմբերի 1-ից ԱՄՆ ներմուծվող բոլոր միջին և ծանր բեռնատարների վրա կսահմանվի 25% մաքսատուրք։

Ամենախոշոր հարվածը կստանա Մեքսիկան, որը ԱՄՆ-ի բեռնատարների հիմնական մատակարարն է։ Ըստ տվյալների՝ մեքսիկական մեծ բեռնատարների ներմուծումը եռապատկվել է 2019-ից ի վեր՝ հասնելով տարեկան մոտ 340,000 միավորի։

Որոշումը կազդի նաև Stellantis, Volvo, Daimler և այլ ընկերությունների վրա, որոնք բեռնատարներ են արտադրում Մեքսիկայում։

Աղբյուրը՝ Reuters