Թրամփը մեղադրում է բանկերին՝ իր և աջակիցների հանդեպ խտրականության համար

Դոնալդ Թրամփը հայտարարել է, թե խոշոր բանկերը՝ այդ թվում JPMorgan-ը և Bank of America-ն, հրաժարվել են ընդունել իր ավանդները և դուրս են հանել նրան:

ԱՄՆ նախագահ Դոնալդ Թրամփը հայտարարել է, թե խոշոր բանկերը՝ այդ թվում JPMorgan-ը և Bank of America-ն, հրաժարվել են ընդունել իր ավանդները և դուրս են հանել նրան՝ քաղաքական հիմքով խտրականության դրսևորմամբ։

Թրամփը պնդում է, որ այդ բանկերը փակել են իր հաշիվները՝ իրեն տեղեկացնելով, որ ունի 20 օր միջոցները հանելու համար։ Նա այժմ պատրաստվում է հրամանագիր ստորագրել, որը կարգավորող մարմիններին կպարտավորեցնի վերանայել «քաղաքականացված դեբանկինգի» գործելակերպը։

Թրամփի խոսքով՝ իրեն մերժել են նաև այլ խոշոր բանկեր, ինչի արդյունքում ստիպված է եղել գումարները փոխանցել փոքր բանկեր։ JPMorgan-ը հայտարարել է, որ չի փակում հաշիվներ քաղաքական պատճառներով, և պատրաստ է համագործակցել Սպիտակ տան հետ՝ խնդիրը կարգավորելու համար։ Հրամանագիրը կարող է հրապարակվել արդեն այս շաբաթ։

Աղբյուր՝ Reuters