Toyota Motor-ը նախատեսում է 2028 թվականից սկսած իր աշխարհասփյուռ գործարաններում ներդնել շուրջ 40,000 մարդանման ռոբոտ, որոնք աշխատելու են մարդկանց կողքին և ունակ են ինքնուրույն օպտիմալացնել իրենց առաջադրանքները, հայտնում է Nikkei-ն։
Ինչ է տեղի ունեցում
Ճապոնական ավտոհսկան սկսում է արտադրության լայնածավալ ռոբոտացման ծրագիր՝ նպատակ ունենալով բարձրացնել մարդկային անձնակազմի աշխատանքի արդյունավետությունը։
Ֆինանսավորումը. Գործարանների արդիականացման համար Toyota-ն տարեկան կհատկացնի 1 տրլն իեն (մոտ $6.4 մլրդ):
Մեկնարկը. Ծրագրի ակտիվ փուլը նախատեսված է 2028 թվականին:
Ինքնուսուցում. Նոր սերնդի ռոբոտները կարող են ինքնուրույն սովորել, վերլուծել և գտնել առաջադրանքների կատարման ամենաարդյունավետ եղանակները:
Ապագա դերը. Ընկերությունը նախատեսում է ռոբոտներին օգտագործել նաև որպես հրահանգիչներ՝ նոր աշխատակիցների վերապատրաստման համար:
Ինչու է սա կարևոր
Toyota-ն փորձում է վերասահմանել մարդու և ռոբոտի փոխգործակցության ֆորմատը արտադրությունում.
1. Ոչ թե փոխարինում, այլ համագործակցություն. Կորպորացիայի ղեկավարությունը պնդում է, որ ռոբոտները չեն փոխարինի մարդկանց, այլ կգործեն նրանց հետ որպես միասնական թիմ:
2. Բարդ գործողությունների ավտոմատացում. Ռոբոտներն արդեն փորձարկվում են որոշ հավաքման գծերում՝ կրկնօրինակելով մարդկանց շարժումները և կատարելով առավել նուրբ ու ճշգրիտ գործողություններ:
Հաջորդ քայլը
Toyota-ն կշարունակի փորձնական ռոբոտացված համակարգերի տեղադրումն ընտրված հավաքման գծերում՝ պատրաստվելով 2028 թվականի համաշխարհային լայնածավալ մեկնարկին:
