Այս նախագիծը կարող է լավ հնարավորություն դառնալ, որպեսզի տնտեսական գործակցություն սկսվի Իրանի և ԱՄՆ-ի, ՌԴ-ի և ԱՄՆ-ի միջև․ Ն.Փաշինյան

Այս նախագծով ՀՀ-ն ՌԴ-ի հետ երկաթուղային կապ է ստանում, որը 30 տարի մենք չունեինք։

Այս մասին ասել է ՀՀ վարչապետ Նիկոլ Փաշինյանը։

«Կա մի տեսություն, որ իրադարձությունների նման զարգացումը խնդիր է ՌԴ-ի և Իրանի շահերի համար, բայց եկեք այլ տեսանկյունից նայենք` դա կարող է լավ հնարավորություն դառնալ։

Մենք երկաթուղային կապ ենք ստանում նաև Իրանի հետ, որը շատ կարևոր է, մենք երկաթուղային կապ ենք ստանում Կենտրոնական Ասիայի հետ, իհարկե լաստանավային սցենարով, այդ թվում Չինաստանն է ստանում նոր ճանապարհ դեպի արևմուտք, որը այս պահին չունի։ Այս նախագիծը կարող է լավ հնարավորություն դառնալ, որպեսզի տնտեսական համագործակցություն սկսվի Իրանի և ԱՄՆ-ի հետ, ՌԴ-ի և ԱՄՆ-ի միջև»,- ասել է Փաշինյանը։