Հայաստանի արտարժույթի միջբանկային շուկայում ռուբլով գործարքների ծավալը գրեթե հավասարվել է դոլարայինին

Հայաստանի միջբանկային շուկայում դոլարային գործարքները նվազել են 21%-ով:

Հայաստանի միջբանկային շուկայում դոլարային գործարքները նվազել են 21%-ով՝ նախորդ շաբաթվա 47% աճից հետո, իսկ ռուբլով գործարքները աճել են 86%-ով։ Արդյունքում, դոլարային գործարքների ծավալի գերակայությունը ռուբլով գործարքների նկատմամբ կրճատվել է 2,5 անգամից մինչև 1,1 անգամ։ Եվրոյով գործարքներ չեն իրականացվում արդեն շուրջ 2,5 ամիս։

Ներբանկային շուկայում դոլարի առքի աճը դանդաղել է, վաճառքը՝ ավելացել։ Եվրոյի առքուվաճառքի աճը պահպանվել է, իսկ ռուբլով գործարքներում՝ առքի աճին զուգահեռ գրանցվել է վաճառքի անկում։

Փոխարժեքները գրեթե չեն փոխվել դոլարի նկատմամբ (383,5 դրամ), սակայն դրամը թուլացել է եվրոյի (447 դրամ) և ռուբլու (4,78 դրամ) նկատմամբ։ Տարեկան կտրվածքով դրամը արժևորվել է դոլարի, բայց արժեզրկվել է եվրոյի և ռուբլու նկատմամբ։