TOON EXPO Մոսկվա 2025-ը ամփոփվել է․ հերթը TOON EXPO YEREVAN 2025-ինն է, սեպտեմբերի 5-ից 7-ը

Հայաստանյան անշարժ գույքի ոլորտը ներկայացնող TOON EXPO ցուցահանդեսը առաջին անգամ դուրս եկավ երկրի սահմաններից՝ իր միջազգային մեկնարկը տալով Մոսկվայում։

Ցուցահանդեսը կազմակերպվել էր մասնավորապես ռուսաստանաբնակ հայերի և ներդրողների համար՝ նպատակ ունենալով ծանոթացնել նրանց Հայաստանի անշարժ գույքի շուկայի հնարավորություններին, ուսումնասիրել նոր շուկայի արձագանքը և բացահայտել ներդրումային հեռանկարները։

Միջոցառման շրջանակում ներկայացվել էին Հայաստանի տարբեր քաղաքներում իրականացվող անշարժ գույքի խոշոր նախագծեր, բնակելի և առևտրային համալիրներ, ինչպես նաև ներդրումային գայթակղիչ պայմաններ։ Ցուցահանդեսին մասնակցել էին ինչպես ՀՀ-ի, այնպես էլ Արաբական Էմիրությունների ներկայացուցիչներ։

Ցուցահանդեսից հետո «Big Projects» ընկերության և TOON EXPO Moscow-ի մասնակցած մի շարք ընկերությունների ներկայացուցիչները հավաքվել էին ամփոփելու անցած միջոցառման արդյունքները։ Առաջին միջազգային փորձը հաջող էր՝ արձանագրվել է մեծ հետաքրքրություն և մի շարք համագործակցությունների հիմքեր դրվել։

*գովազդ